HATAW! D'yaryo ng Bayan hatawtabloid.com
NAKUHA ni Department of the Interior and Local Government (DILG) Regional Director of Region 1 James Fadrilan ang sariwang mandato para pangunahan ang Romblon Chess Club.
Sa naganap na Zoom nitong 3 Enero 2021, Linggo, si Fadrilan na dating MIMAROPA DILG Director ay nahalal bilang Pangulo.
Nakamit ni Fadrilan ang majority votes nang bomoto ang mga Romblo-anon members ng Romblon Chess Players Group.
Si Fadrilan na tubong Banton, Romblon ay licensed Agricultural Engineer na kasalukuyang naninirahan sa Cavite City.
Ang nahalal na pangulo ay umaasa na mapag-iisa ang lahat ng Rombloanon Chess Players worldwide, mag-develop ng grassroot talent at makapag-produce ng future masters na magmumula sa Romblon at maingat ang Romblon na maging Chess Capital sa MIMAROPA Region.
Nahalal din si Dr. Jenny Mayor ng Cajidiocan, Romblon, ang 7-time Philippine Executive Champion, at owner ng Mayor Dental Clinic bilang bise presidente habang si DSWD KC-NCDDP MIMAROPA Regional Infrastructure Officer – III Engr. Ernie Faeldonia mula Odiongan, Romblon ang nahalal bilang Secretary-General.
Ito ang ika-apat na posisyon ni Faeldonia sa magkakaibang Chess Clubs bilang Presidente ng España Chess Club -Manila, Club Director ng Bayanihan Chess Club, at Club adviser ng I Love Chess Philippines. Siya rin ang Secretary General ng World Kickboxing Association Philippines.
(Marlon Bernardino)
