HATAW! D'yaryo ng Bayan hatawtabloid.com
NGAYON pa lang ay marami na ang nag-aabang sa kahihinatnan ng mga karakter nina Lucas (Dingdong Dantes) at Maxine (Jennylyn Mercado) sa hit Philippine adaptation ng Descendants of the Sun’ sa GMA Network.
Nakatakda na kasing magtapos ang DOTS PH sa December 25. Sa huling dalawang linggo nito, mahuhuli na ni Lucas ang rebeldeng si Rodel (Neil Ryan Sese) na kapatid ni Maxine.
Kahit na tapat sa kanyang responsibilidad bilang sundalo, alam ni Lucas kung gaano kamahal ni Maxine ang kanyang kapatid kaya naman gagawa siya ng paraan para maproteksiyonan ito.
Magtagumpay nga kaya si Lucas at ang Alpha team sa kanilang misyon?
Mapapanood ang Descendants of the Sun tuwing gabi, 9:20 p.m., sa GMA-7.
Rated R
ni Rommel Gonzales
