HATAW! D'yaryo ng Bayan hatawtabloid.com
INIHAYAG ng opisyal ng Manila Water na hindi sila magpapatupad ng water hike sa taon 2021.
Ayon kay Jeric Sevilla, Information Officer ng Manila Water, nagdesisyon sila na ipagpaliban ang dagdag-singil upang makatulong na maibsan ang paghihirap na nararanasan ng publiko dahil sa pandemya.
Aniya, ang P2 ipatutupad sana nilang dagdag-singil sa susunod na taon ay hindi na matutuloy.
“With this decision, we continue to put our customers first as we heed the government’s call to help mitigate the impact of the disruption of economic activity on most Filipinos. We believe that, by working together as one nation, we will continue to rise above all challenges we are currently confronting and may still be facing in the future,” batay sa statement.
Nabatid na una nang inaprobahan ng Metropolitan Waterworks and Sewerage System (MWSS) Regulatory Office ang kanilang petisyon na dagdag-singil para sa consumer price index.
Ang mga lugar na nasa Eastern portion ng Metro Manila tulad ng Mandaluyong City, San Juan City, Pasig City, Marikina City at Rizal Province ang mga siniserbisyohan ng Manila Water.
Kahapon, unang inianunsiyo ng Maynilad ang pagpapaliban ng rate hike sa susunod na taon.
(ALMAR DANGUILAN)
