Rayver at Rodjun, nagpatalbugan sa pagsasayaw

IKINATUWA ng netizens ang latest dance duet ng magkapatid na sina Rodjun at Rayver Cruz na sinayaw nila ang Binibining Marikit sa TikTok.

Bukod sa nakaaaliw nilang steps, nagpaalala rin sila sa followers nila na mag-ingat pa rin sa Covid-19.

Nakasuot ang dalawa ng face masks at nag-remind na sumunod pa rin sa basic protocols kahit naka-general community quarantine na.

Samantala, on-going pa rin hanggang June 28 ang online auditions para sa The Clash Season 3 na host si Rayver.

Para sa karagdagang detalye, pumunta lamang sa www.facebook.com/TheClash.

RATED R
ni Rommel Gonzales