30 pasahero nakaligtas sa kotse vs PNR train

NAGBANGGAAN ang isang tren ng Philippine National Railways (PNR) at isang kotse na tumatawid sa riles sa Jose Abad Santos Avenue, Tondo, Maynila, kahapon ng madaling araw.

 

Ayon kay Manila Police District – Abad Santos Station (MPD-PS7) commander P/Lt. Col. Harry Lorenzo, first responder, dakong 4:50 am nagandap ang insidente sa lugar.

 

Sa ulat ni Manila Traffic Enforcement Unit (MDTEU) chief, P/Maj/ Ronaldo Santiago, nanggaling ang tren sa Governor Pascual station sa Malabon patungong Maynila nang mabangga ang isang puting kotse sa Abad Santos Avenue.

 

Nagmula sa Tondo ang kotse na patungong Blumentritt nang makasalpukan ang tren.

 

Nabatid  kay Joseline Geronimo, tagapagsalita ng PNR, walang nasugatan sa insidente maging ang 30 pasaherong sakay ng tren na agad umanong nailipat sa ibang tren.

 

Nabatid, pinilit umano ng kotse na tumawid sa riles kahit may paparating na tren.

 

Pasado 6:30 am nang maialis sa riles ang naaksidenteng tren at kotse. (BRIAN BILASANO)