Michelle Dee, expert sa Mobile Legends

KAKAIBANG Michelle Dee ang matutunghayan sa bagong proyekto niya kasama ang GMA Artist Center na malapit nang ilunsad. Kung sanay ang fans na makita ang beauty queen/model side ni Michelle, tiyak na mapapa-wow din silang malaman na mahusay din siya sa world of gaming.

 

Inanunsiyo ni Michelle ang magandang balita sa kanyang Instagram, “Been thinking of different ways to entertain everyone during the ECQ and this is one of them! Everyone’s used to seeing my Beauty Queen persona, so this might be interesting to most of you but trust me, i have some really exciting content coming your way!!! Oh, and i’ll be working together with @gmanetwork and @artistcenter too so watch me play with your favorite celebs! LETS GOOOOO.”

 

Marami ang na-excite sa ilulunsad na Michelle’s Gaming World kasama na rin ang mga kapwa niya celebrities.

 

May request nga ang aktor na si Benjamin Alves na ipakita ni Michelle kung paano siya maglaro ng sikat na ‘Mobile Legends.’

 

Patuloy pa ring napapanood si Michelle kasama sina Winwyn Marquez at Thia Thomalla sa informative lifestyle show na Glow Up.

 

RATED R
ni Rommel Gonzales