HATAW! D'yaryo ng Bayan hatawtabloid.com
HINIMOK ng ilang kongresista ang mga miyembro ng media na maglabas ng mga positibong istorya tungkol sa isyu ng COVID-19 upang mabigyan ng pag-asa ang sambayanang Filipino.
Ayon kay Dasmariñas City Rep. Elpidio Barzaga at Batangas Rep. Raneo Abu importanteng mabigyan ng halaga ang positibong kaganapan laban sa coronavirus (COVID-19) upang magkaroon ng inspirasyon ang taong bayan na magkaisa laban sa kinatatakutang sakit.
“Putting emphasis on positive developments will increase people’s hope and optimism that this problem shall pass and better days are coming ahead,” ani Barzaga, presidente ng National Unity Party (NUP) at chairman ng House committee on natural resources.
Ayon naman kay Abu, “good news will help quell panic among Filipinos and motivate them to contribute to government’s fight against the dreaded disease.”
Kaugnay nito sinabi ni Anaklasugan party-list Rep. Mike Defensor, kailangang i-advance ng Department of Budget and Management (DBM) ang release ng midyear bonus para sa 1.6 milyong empleyado ng gobyerno.
“We should walk the talk. If the government is appealing to private employers to consider advancing the 13th-month salary of their employees to tide them over the enhanced community quarantine, the public sector should do the same. In fact, we should take the lead,” ani Defensor, chairman ng House committee on public accounts.
Sa panig ni House Assistant Majority Leader at Quezon City Rep. Precious Hipolito Castelo, kailangan tangalan ng buwis ang pagpasok ng facemasks, sanitizers, at similar protective goods ng import duties at local taxes.
Paliwanag ni Castelo, ang vice chairperson ng House committee on Metro Manila development, ang pagtanggal ng buwis sa facemasks at iba pang protective gear ay magbibigay ng kasiguruhan sa supply at pag-iwas sa hoarding ng mga nasabing bagay.
“Our goal is to make these currently important health products available in the market and enable consumers to buy them at cost,” ani Castello.
(GERRY BALDO)
