Kelot nahulog sa Munti mall nalasog tigok

HINIHINALANG nahu­log ang 48-anyos lalaki mula sa mataas na bahagi ng isang mall sa Muntin­lupa City, nitong Linggo ng gabi.

Patay agad ang biktima na kinilalang si Pete Anthony Palma Ven­tura, residente sa Hermo­sa St., Barangay 200, Tondo, Maynila, dahil sa matinding pinsala sa ulo at iba’t ibang bahagi ng katawan.

Ayon sa ulat ng Muntinlupa city police, natagpuang duguan at walang buhay ang bikti­ma sa first level ng Star­mall Alabang sa nabang­git na lungsod, dakong 7:10 pm.

Sa kuwento ng saleslady na si Roselyn Dela Marquez, nasa hustong gulang, kasa­lukuyan siyang nakaban­tay sa tindahan nang makarinig siya ng mala­kas na tunog at nang ting­nan nakita ang duguan at nakabu­lag­tang biktima na nakasuot ng itim na basketball shirt, asul na shorts at nakatsinelas.

Hinala ni Dela Mar­quez, nahulog ang bikti­ma mula sa upper ground floor na naging sanhi ng matinding pinsala sa katawan at dagliang pagkamatay ng lalaki.

Gayonman, susuriin ng awtoridad ang kuha ng CCTV sa loob ng mall upang masiguro kung aksidente o may foul play sa pagkamatay ni Ventu­ra sa loob ng nasabing mall.

Patuloy ang isina­sagawang imbestigasyon ng pulisya sa naturang insidente.

 (JAJA GARCIA)