Ngayon at Kailanman, magtatapos na

 

ANG lungkot naman ng Pamaskong episode ng teleseryeng Ngayon at Kailanman, magka-away sina Inno (Joshua Garcia) at Eva (Julia Barretto) at kailangan lang nilang mag-usap dahil sa project nila.

Hindi kasi matanggap ni Inno na nakipaghiwalay sa kanya si Eva at nangibang bansa na pakiramdam niya ay iniwan siya sa ere kung kailan kailangan niya ang girlfriend.

Namatay na ang amang si Hernan (Christian Vasquez), nakulong naman ang inang si Stella (Alice Dixson), ang kuyang si Oliver (Jameson Blake) ay hindi naman sa kanila umuuwi at siya ang nag-aalaga sa lolang maysakit na si Dona Carmen (Rosemarie Gil).

At dahil galit si Inno kaya pinahihirapan niya si Eva na hindi makapag-concentrate dahil pinasasakitan siya ng ex-boyfriend sa pamamagitan ni Roxanne (Elisse Joson) at inakala rin ng binata na karelasyon na ng kuya Oliver niya ang dalaga.

Halos lahat ng designs ng dalaga ay inaayawan ng binata at basura ang tingin niya bagay na ikinagalit din ni Eva dahil malaki na ang ipinagbago ng lalaking mahal niya.

Finally, nakabuo na ng magandang disenyo na si Eva pero pinintasan pa rin ng binate dahil masyadong pa-sweet ang pagkakagawa kaya palitan pero ipinagpilitan ng dalaga na maganda kaya walang nagawa si Inno kundi buuin ang kuwintas at lumabas na maganda.

Iniwan na ni Roxanne si Inno para harapin nito kung ano talaga ang nararamdaman niya para kay Eva at para hindi siya gamitin na.  Hindi naman iniwan ni Oliver ang dalaga.

Ilang linggo na lang ang Ngayon at Kailanman kaya huwag bibitaw para sa mga susunod na mangyayari.

FACT SHEET
ni Reggee Bonoan