HATAW! D'yaryo ng Bayan hatawtabloid.com
DAHIL madaragdagan ang miyembro ng kanilang pamilya, espesyal lalo ang nalalapit na Kapaskuhan para kina Marian Rivera at mister niyang si Dingdong Dantes, at anak nilang si Zia.
“Ngayon na lumalaki at lumalaki ang pamilya namin, sabi ko sobrang biyaya talaga ‘yung ibinibigay sa akin kasi ito talaga ‘yung pangarap ko, ang maging ina ng maraming anak,” saad ni Marian.
“Sabi ko nga ideal kasi ang three pero sabi ko kung pagpapalain pa ako, siguro hanggang four sana.”
Pagpapatawa pa ni Marian, sa Pasko ay bundat na bundat siya dahil tiyak na mas lalaki pa ang tiyan niya.
“Malaking- malaki ang tiyan ko pero siyempre mas masaya kung lumabas na siya next year.”
Ngiti lamang ang isinagot ni Marian sa tanong naming kung anong buwan siya manganganak.
Pero kahit buntis at malaki ang tiyan niya ay hands-on pa rin si Marian sa mga preparasyon sa bahay nila para sa Pasko, tulad ng paghahanda ng Noche Buena.
“Lahat, lahat-lahat talaga, oo naman! Sabi ko nga eh, nabuntis lang ako, lumaki lang ang tiyan ko, of course may inaalagaan akong bata sa tiyan ko pero hindi ibig sabihin niyan eh ‘yung mga ginagawa ko para sa pamilya ko eh hindi ko gagawin.
“Kahit nga sa school ng anak ko nakita mo naman ‘di ba?”
Nakapagkabit na sila ng Christmas tree.
“Mayroon na! Pagkatapos ng November 1, November 4 mayroon na.
“Love ng anak ko ‘yung ganoon, kaya sinasabi niya after ng Halloween, ‘Mama kailan ikakabit ‘yung Christmas tree?
“Aware na siya.”
Paborito niyang tradisyon kapag Pasko ay kapag magkakasama silang buong pamilya sa bahay, pamilya niya at pamilya ni Dingdong.
“Kahit nasa Cavite sila, o nandoon sila sa Quezon City, lahat kami sama-sama.”
Ngayong Nobyembre magaganap ang gender reveal nina Marian at Dingdong para sa pangalawang anak nila na kasalukuyang ipinagbubuntis ng Primetime Queen.
“Sasabihin na namin. Sabi ko nga eh, ang pagmamahal namin sa mga nagmamahal sa amin never naming ipagkakait ‘yung mga personal na bagay at ise-share namin sa kanila ‘yun.
“Excited na ba kayo?” ang nakangiting tanong pa ni Marian sa sa interview namin sa aktres sa isang cooking lesson.
Tapos na ang paglilihi stage niya; kamias na isinasawsaw sa asin.
Wala na siyang partikular na pagkain na hinahanap sa ngayon.
“Basta mga healthy food ang hinahanap ko talaga so laking factor talaga ng Mega Prime sa akin kasi binibigyan talaga nila ako ng madali para sa akin.
“Like for example nagke-crave ako ng soup, madali na akong makagawa ng mushroom soup o corn soup na madali para sa akin.”
Still on the gender of her baby, base sa obserbasyon ng marami, dahil sa kakaibang glow at magandang aura ni Marian ay babae ang ipinagbubuntis ng aktres.
“Babae ang anak ko? Well, well, well, it’s for you to find out,” at tumawa si Marian.
Rated R
ni Rommel Gonzales
