Maine at Baeby Baste, pangungunahan ang pagbubukas ng COD

TULOY NA TULOY na ang pagbubukas ng COD sa Biyernes, Nobyembre 23 sa Times Square Food Park ng Araneta Center. Makakasama sa pagbubukas nito sina Maine Mendoza at Baeby Baste.

Magsisimula ang programa ng paglulunsad ng 5:00 p.m.. at libre ito sa publiko.

Pagkatapos ng 16 taon, muling mapapanood ang animated Christmas on Display (COD) sa tunay na tahanan nito, ang Araneta Center.

Ang COD ay ginawa ni businessman Alex Rosario Sr. noong 1957, na dinala sa Araneta Center noong 1966. Ito na ang naging tahanan nito simula noon habbang 2002.

Ngayong taon, muling magpapasaya ang COD sa pamumuno ni Rey Rosario.

Kaya ayain na ang buong pamilya para mapanood ang animated display sa bago nitong disenyo at makabagbag damdaming istorya. Mapapanood na ang Christmas On Display na mayroong 15-minute shows simula 6:00 p.m. hanggang 10:30 p.m. tuwing Linggo hanggang Huwebes at mula 6:00 p.m. hanggang 11:30 p.m. tuwing Biyernes hanggang Sabado na tatagal hanggang Enero 6.

Makakasama nina Maine at Baeby Baste sa pagbubukas ng COD ang Mandaluyong Children’s Choir at ang mga nangga­gan­dahang sina Miss Universe Philippines Catriona Gray na siyang magho-host ng ceremony, Binibining Pilipinas Grand International Eva Patalinjug, Binibining Pilipinas Intercontinental Karen Gallman, Miss Globe top 15 finalist Michele Gumabao, at Miss International first runner-up Ma. Ahtisa Manalo.