Friday , March 31 2023
Vic Sotto Tito Sotto
Vic Sotto Tito Sotto

Vic nagbigay ng 100 % support sa pagtakbo ni Tito Sen

SHOWBIZ KONEK
ni Maricris Valdez Nicasio

MADAMDAMIN at emosyonal ang pagdiriwang ng 42nd anniversary ng Eat Bulaga noong weekend na muling nagkasama-sama sina Tito Sotto, Vic Sotto, at Joey de Leon.

Dahil sa pandemic, mahigit isang taong hindi nagkita-kita ng personal ang tatlo, at noon lamang anibersaryo muling nagsama para sa live episode ng show sa APT Studios.

Bukod kina Tito, Vic, at Joey, naroon din sina Ryan Agoncillo, Pauleen Luna, Paolo Ballesteros, at Maine Mendoza habang ang ibang Dabarkads ay Team Bahay tulad nina Alden Richards, Wally Bayola, at Jose Manalo. 

Maluha-luhang nagpasalamat si Bossing Vic sa milyon-milyong loyal sa kanilang Dabarkads. ”Eh, kasi naman sa bawat yugto ng aming buhay bilang ama, bilang asawa, bilang Enteng Kabisote, Starzan, bilang Senator.

“Salamat! Salamat sa inyo Dabarkads dahil tinanggap at pinagkatiwalaan n’yo kami bilang Dabarkads n’yo ng maraming taon at sa mga darating pang panahon,” sambit ni Vic.

Ipinahayag din nito ang 100% support kay Senate President Tito Sotto sa mga susunod nitong plano bilang public servant. Nagpahayag na kasi si Tito Sen kasama ang ka-tandem niyang si Sen. Pampilo Lacson na tatakbo sila sa bilang Presidente at Vice President sa darating na halalan sa 2022.

“Si Tito Sen mula naman noon, saan ka man dalhin ng iyong kapalaran nandito pa rin kami at ano man ang sunod pang nakatadhana sa ‘yo nasa likod mo ang buong ‘Eat Bulaga,’” giit pa ni Bossing.

Maluha-luha rin ang naging reaksyon dito ni Tito Sen. ”Ang lakas ko na naman eh, at ang lakas ng loob ko eh, nanggagaling sa inyo, ‘Eat Bulaga’ at pagmamahal ng mga kababayan natin.

“Iba-iba ang daang tinatahak—mahirap, masaya, malungkot, mapanghusga pero bawal sumuko, bawal umayaw, tuloy lang tayo sa paghahatid ng isang libo’t isang tuwa at pag-asa saan man ako makarating,” sabi pa ni Tito Sen na nagpahayag noon na hindi siya tatakbong vice president kung hindi rin lang si Ping ang ka-tandem niya.

Kapwa buo ang suporta nina Tito Sen at Ping sa isa’t isa kaya naman sinasabing isa ang kanilang tandem sa malakas at paborito ng masa.

About Maricris Valdez Nicasio

Check Also

Camille Prats

Camille naibalik nawalang cellphone sa concert

RATED Rni Rommel Gonzales MAY mabuting puso ang motorcycle delivery service na naghatid ng cellphone …

Coco Martin

Coco ilang beses na-reject noon ng ABS-CBN dahil sa pagiging bold actor

RATED Rni Rommel Gonzales REBELASYON ang kuwento ni Coco Martin sa premiere ng Apag na noong mga panahong ginawa …

Avon Rosales

Avon Rosales umalis na sa Viva

MATABILni John Fontanilla NILISAN na ng singer na si Avon Rosales ang Viva Entertainment at nasa pangangalaga na ng ARD …

David Licauco

David Licauco balik-wholesome

MATABILni John Fontanilla HIHINTO na raw sa paghuhubad sa telebisyon, pelikula, stage at sa mga …

Maja Salvador Rambo Nuñez Marvin Agustin

Beach wedding nina Maja at Rambo pinaghahandaan na

HARD TALKni Pilar Mateo SA taong ito na nga lalagay sa tahimik ang aktres na …

Leave a Reply

Your email address will not be published. Required fields are marked *