Coco, pinuri ang walang kaartehan ni Maine

SOBRA ang pagpa­pa­-salamat ni Coco Martin sa ABS-CBN dahil pinayagan siyang makatrabaho ang mga taga-Kapuso Network tulad ni Vic Sotto na pangarap nitong makasama noon pa sa isang pelikula.

Kaya naman, nang bigyan siya ng go-signal ng Dos ay siya mismo ang nakipagtrabaho kina Vic at Mr. Tony Tuviera ngAPT Entertainment Inc.. Masaya siya na makakatrabo ang mga ito dahil ang pagturing nila sa mga katrabaho ay kapamilya. Inamin nito na unang araw pa lang ay nagulat siya dahil maalaga ang dalawa.

Kaya wish pa ni Coco na muli silang magkasama nina Maine at Vic sa iba pang proyekto, kundi man sa part two ng pelikulang Jack Em Popoy.

Inamin din ni Coco na may nagugustuhan siya kay Maine at ito ang walang kaartehan sa katawan. Very professional ito kaya noong unang salang nila sa eksena ay hindi siya nakaramdam ng pagka-ilang sa aktres.

Kuwento ni Coco, mayroon silang intimate scene ni Maine sa ilang eksena lalo roon sa action scenes na nagkakadikit ang kanilang katawan pero hindi nai-intimadate ito. Isa pa sa nagustuhan nito sa kanyang leading lady ay natural ang pagiging komedyante. Magaling ito sa kanyang comic timing at siya na ang gumagawa niyon.

STARNEWS UPLOAD
ni Alex Datu