HATAW! D'yaryo ng Bayan hatawtabloid.com
PANSAMANTALA lang ang military takeover sa Bureau of Customs, ayon sa Palasyo.
Sinabi ni Presidential Spokesman Salvador Panelo, bilang Punong Ehekutibo ng bansa, may kapangyarihan si Pangulong Rodrigo Duterte na utusan ang Armed Forces of the Philippines (AFP) na ayudahan ang BoC.
Bilang Punong Ehekutibo ng bansa ay may kontrol aniya si Pangulong Rodrigo Duterte sa lahat ng tanggapan sa sangay ng ehekutibo, kasama ang BoC at bilang commander-in-chief ng (AFP).
“The president is authorized under the law to direct the movements of the members of the AFP in any manner he deems it fit,” ani Panelo.
Nauna nang inatasan ni Pangulong Duterte si incoming Customs Commissioner Rey Leonardo Guerrero na makipag-ugnayan sa AFP para sa mga sundalong itatalaga sa BoC kapalit ng mga sinibak na opisyal ng kawanihan.
“So I told Jagger to take the technical soldiers diyan sa Armed Forces, maybe the technical group of the Philippine Army, the technical group of the Philippine Navy and of the Air Force,” sabi ni Pangulong Duterte sa kanyang talumpati sa Davao City kamakalawa ng gabi.
Bilang bahagi ng ipatutupad na reporma sa BoC, nais ng Pangulo na tatlong sundalo ang lalagda sa mga dokumento ng mga lalabas na kargamento sa Aduana.
“And there will be about three signatures before a container will eventually be declared out of Customs control. So there will be about three, six eyes there. And they must sign that it could be a Navy or a Coast Guard, something like that,” dagdag ng Pangulo.
Ayon sa Pangulo, gagamitin ng gobyerno ang mga sundalong may technical expertise para mapatakbo ang BoC.
Ang mga naka-floating status na mga opisyal at kawani ng BoC aniya ay idaraan sa proseso, at aalamin kung hanggang saan ang maaaring partisipasyon at pakikipagsabwatan sa nangyayaring smuggling activities at korupsiyon para makasuhan.
ni ROSE NOVENARIO
AFP takeover sa Customs suportado ni Sotto
AFP takeover sa Customs kaduda-duda — Pangilinan
Customs sa AFP pakitang tao? — Solon
