HATAW! D'yaryo ng Bayan hatawtabloid.com
PARANG lalong lumobo ang katawan pero maganda pa rin si Rosanna Roces.
Aminado ang dating reyna ng hubaran na keber niya kung nawala man ang dati niyang pigura. Ipinauubaya na lang niya ang pagpapaseksi sa mga batang artista, total naman ay ”been there-been that” na siya roon.
Halata ring isang “new and improved” Rosanna Roces na siya ngayon, salamat sa kanyang lesbian partner na siyang dahilan ng kanyang pagiging positibo sa buhay ngayon.
“Alisin na ‘yung mga negative,” sey ni Osang na kabaligtaran kung sino siya noong kasagsagan ng kanyang kasikatan.
Dalawang tao sa showbiz na minsang naging malapit sa puso niya ang nakasunugan niya ng tulay: ang dating manager na si Lolit Solis at kolumnistang si Cristy Fermin.
Ewan kung sa tagal na rin ng panahon ay bukas ang isip ni Osang sa posibleng pagkakasundo sa mga ito. Or ang tanong: willing bang makipagbati sina Lolit at Cristy sa kanya?
After all, may kasabihan ngang, ”there are no permanent friends or enemies, only interests.”
Sa tantiya namin ay mukhang open naman si Osang sa posibleng pagkakaayos nila. ‘Yun nga lang, siya ang dapat sigurong mag-initiate.
Isama na rin natin ang nakairingan din ni Osang noon na si Sabrina M na nagbabalik-showbiz din tulad niya. After all din, kapwa lang din naman sila nasadlak sa isang madilim na bahagi ng kanilang buhay.
#Alamna.
HOT, AW!
ni Ronnie Carrasco III
