HATAW! D'yaryo ng Bayan hatawtabloid.com
PINAGBABARIL at napatay ang isang dating barangay tanod ng isa sa armadong lalaking magkaangkas sa motorsiklo sa Baclaran, Parañaque City, kamakalawa ng gabi.
Hindi umabot nang buhay sa ospital dulot ng mga tama ng bala sa katawan ang biktimang si Jose Biona, residente sa Sitio Maligaya, Baclaran, Parañaque City.
Ayon sa pulisya, dakong 10:00 pm, habang naglalakad ang biktima para bumili ng beer sa tindahan sa naturang lugar, nang dumating ang dalawang lalaking nakasuot ng helmet at lulan ng motorsiklo.
Pagtapat kay Biona ay bumunot ng baril ang isa sa mga suspek saka pinaputukan nang tatlong beses ang biktima na duguang bumulagta sa kalye. Mabilis na tumakas ang mga suspek makaraan ang pamamaril.
Iniimbestihan ng pulisya ang posibleng motibo sa insidente. (MANNY ALCALA)
