HATAW! D'yaryo ng Bayan hatawtabloid.com
SA edad na 23, aminado ang GMA artist na si Derrick Monasterio na may karanasan na siya sa sex at hindi rin naman niya ikinahiya na ngayong wala siyang girlfriend ay pinasasaya niya ang sarili araw-araw.
Nang banggitin ito ni Derrick sa presscon ng pelikulang Wild and Free ay naghiyawan ang lahat dahil nga hindi nila inaasahang aamin ang aktor at natawa na rin siya dahil, ”’yan naman talaga ang gusto ninyong marinig, ‘di ba?” sambit ng binata.
Sabi ni Derrick ay level-up na itong ginawa niya sa pelikula nila ni Sanya Lopez dahil parang grumadweyt na siya sa wholesome image.
“Nasa right age naman na ako, so level-up na. I’m 23 pero right age na. Well ang maganda sa movie, hindi ko pa ipinakita lahat, mayroon pa rin akong itinago. Mayroon pang next-level, he, he, he,” saad ng aktor.
Willing bang magpakita ng butt si Derrick sa susunod niyang pelikula? ”Depende po, sa ngayon hindi pa ako komportableng magpakita ng butt. Pero sa mga eksena, kinausap kami ni direk (Connie Macatuno) kung paano gagawin.
“Sabi niya (direk Connie), ‘o rito mo lang siya puwedeng hawakan, dito mo lang siya puwedeng i-kiss.’ Actually uncomfortable kasi aware kaming may kamera kaya hindi puwedeng gumawa ng mga ganoon. Madali lang mag-cut actually kasi hindi naman kami into na walang tao. Pero ganoon nga.”
FACT SHEET
ni Reggee Bonoan
