Monday , March 17 2025
Arnold Clavio Ali Sotto Joel Reyes Zobel
Arnold Clavio Ali Sotto Joel Reyes Zobel

Slogan ng GMA, nananaig ba sa lahat ng oras?

NANANAIG nga ba sa lahat ng pagkakataon ang slogan ng pambalitaan ng GMA na, “walang kinikilingan, walang pinoprotektahan” most especially among its on-camera news personalities?

Hati kasi ang mga reaksiyon ng mga tagapakinig (and viewers alike) sa teleradyo nina Arnold Clavio, Joel Reyes Zobel, at Ali Sotto sa DZBB (AM radio arm ng GMA).

Ang paksa kasi nilang tinalakay kamakailan ay ang mungkahi o proposal ni Senate President Tito Sotto na palitan ang huling linya ng ating pambansang awit, ang Lupang Hinirang.

Ang mga liriko nito’y likha ni Jose Palma mula sa komposisyon ni Julian Felipe.

Maging sina Igan at Joel ay hindi pabor sa nais mangyari ni Sotto, pero “nganga” si Ali on this. Sa mga hindi nakaaalam, dating asawa ni Ali si Maru, kapatid nina Tito, Vic, at Val.

Baka ang tinitingnan na lang ni Ali kahit paano’y ang minsang pinagsamahan nila ng mga kapatid ng kanyang ex-husband. Iba man ang asawa niya ngayon, pero hindi ibig sabihi’y pinatid niya ang tanikala ng kanilang pinagsamahan noon.

Maging ang isyu kasi na sinisilip ng taumbayan ang umano’y pagbibigay ng proteksiyon ni Sotto sa kabaro niyang si Senator Antonio Trillanes ay NR (no reaction) din si Ali.

Kung matatandaan kasi, makaraang ipinag-utos ang pag-aresto (ng walang warrant) kay Trillanes (dahil ini-revoke ang kanyang amnesty grant) ay si Sotto ang unang-unang kumandili rito.

Ang ending, hitsurang naging instant residence nga ni Trillanes ang Senado, bagay na inalmahan ng marami nating mga kababayan dahil pera ng taumbayan ang ginagastos sa pagkonsumo nito ng utilities doon.

Pinararatangan tuloy na “codder” o protektor si Sotto ni Trillanes, na kamakaila’y inireklamo ng kanyang kapwa mistah na nag-oorganisa ng mga pagkilos laban sa gobyerno (inciting to sedition).

Ginamit na basehan ng opisyal ng DOLE ang pagtawag ni Trillanes ng iba’t ibang bansag kay Pangulong Duterte, kabilang na ang mga katagang insane, murderer, stupid, corrupt at iba pa.

Pinatotohanan din nito ang umano’y pagkadesmaya ng buong sundalo kay Trillanes to the extent na nais ng PMA Alumni Association, Inc. na tanggalin ang pangalan nito sa kanilang talaan.

Kung ito ang gagawing basehan ay alin kaya sa dalawa ang madaling malusutan ni Sotto: ang umano’y proteksiyong ibinibigay niya kay Trillanes, o ang public outrage kaugnay ng kanyang proposal sa nananahimik na national anthem?

Anong balidong paliwanag o katwiran kaya ang isasangkalan ng bigotilyong mambabatas na gustong ipako sa krus ng marami nating kababayan?

Basta isa lang ang aming alam.

Ang tunay na magaling ay hindi nagmamagaling.

HOT, AW!
ni Ronnie Carrasco III

About Ronnie Carrasco III

Check Also

Delia Razon Carla Abellana

Delia Razon pumanaw sa edad 94; Carla nagdadalamhati 

I-FLEXni Jun Nardo NAGLULUKSA ang Kapuso actress na si Carla Abellana sa pagpanaw ng kanyang lola at …

Mark Herras dinagsa ng trabaho kapalit ng sangkatutak na hater

SHOWBIZ KONEKni Maricris Valdez NAGPAPASALAMAT si Mark Herras sa mga hater dahil dumami ang trabaho niya simula …

Mia Pangyarihan Lito Alejandria WASSUP 2

Celebrity businesswoman Cecille Bravo suportado WASSUP Super Club ni Mamalits

MATABILni John Fontanilla SUPORTADO ng celebrity businesswoman  at vice president ng Intele Builders and Development …

Kim Chiu

Kim durog na durog sa DDS supporters 

MATABILni John Fontanilla NAGULAT ang aktres at It’s Showtime host na si Kim Chiu nang magalit sa kanya ang ilang …

Kim Chiu BIR

Kim Chiu pumalag idinamay sa isyu ni Duterte

MA at PAni Rommel Placente UMALMA si Kim Chiu sa maling interpretasyon at fake news tungkol sa …

Leave a Reply

Your email address will not be published. Required fields are marked *