Salag ni Trillanes: Pagbawi political persecution

TINAWAG ni Senador Antonio Trillanes IV bilang political per­secu­tion at isang malaking kalokohan ang pagbawi ng Malacañang sa am­nestiya na ipinagkaloob sa kanya noong panahon ni dating Pangulong Be­nigno “Noynoy” Aquino III.

Ayon kay Trillanes, hindi totoong wala siyang application form na pinirmahan para sa am­nesty program ng gob­yerno.

“Ito ay isang mala­king kalokohan. Alam n’yo po, hindi naman ako bibigyan ng amnesty kung hindi ako nag-comply sa requirements,” wika ni Trillanes.

“Sumumpa ako kay former Secretary of Defense Voltaire Gazmin at mapapatotohanan ‘yan ng DND officials. Abso­lutely complied lahat ‘yan,” sabi ng senador.

Giit ni Trillanes, ang amnestiya ay isang Act of Congress at hindi ito maaaring burahin ng isang Executive Order.

Bukod dito, dismiss na aniya ang lahat ng kaniyang mga kaso noon kaya’t hindi na maaaring dinggin pang muli sa mga korte dahil ito ay magi­ging double jeopardy.

Tinukoy ng senador si Solicitor General Jose Calida bilang nasa likod ng naturang ‘revocation’ para umano pigilan ang kaniyang pagsisiwalat sa mga katiwalian ng pamilya ng opisyal.

Kaugnay nito, tiniyak ni Trillanes na hindi niya tatakasan ang kaso maging ang posibilidad ng pag-aresto sa kaniya, at hindi magre-resist sa arresting officers.

Sa kasalukuyan, ginagawa na aniya ng kanilang legal team ang lahat ng kanilang maka­kaya upang kontrahin ang proklamasyon ng Palasyo.

(CYNTHIA MARTIN)

Alam ni Ex-PNOY: Amnestiya depektibo

Utos ni Duterte: Trillanes ibalik sa kulungan

Pagbawi sa amnestiya kay Trillanes, Kabaliwan — Solon

Senate president ikinustodiya si Trillanes