Tuesday , April 29 2025
Rodrigo Duterte Antonio Trillanes US Embassy Manila
Rodrigo Duterte Antonio Trillanes US Embassy Manila

Duterte ‘closet US stooge’ (Palasyo tameme sa pakikialam ni Uncle Sam)

KUNG dati’y umuusok ang ilong ni Pangulong Rodrigo Duterte sa ‘pa­ki­kialam’ ni Uncle Sam sa Filipinas, tameme si­ya ngayon sa lantarang panghihimasok ng Ame­rika sa politika ng bansa.

Ipinagkibit-balikat lang ng Palasyo ang pagdalaw ni Josh Morris, chief ng Internal Political Unit ng US Embassy, kay Senator Antonio Trillanes IV sa Senado kamakalawa.

“Yan naman po’y gawain talaga ng mga miyembro ng diplomatic delegation,” ayon kay Presidential Spokesman Harry Roque sa pagda­law ni Morris kay Tril­lanes sa Senado.

Ang pagbisita ni Morris ay naganap isang linggo matapos ang meeting nina  Pangulong Duterte at US Ambas­sador to the Philippines Sung Kim sa Palasyo.

Gaya ni Trillanes, ayaw magsalita hinggil sa meeting nila ni Morris, tikom din ang bibig ni Pangulong Duterte sa huntahan nila ni Sung Kim.

Kinompirma ni Roque na pinulong ni Pangulong Duterte ang intelligence officials kamakalawa ng gabi sa Palasyo ngunit walang detalyeng ibini­gay sa media.

Kaugnay nito, kom­pi­yansa ang Palasyo na hindi mapatatalsik sa puwesto si Pangulong Duterte .

“It’s not anything that the state cannot deal with; dream on to those who want to remove the President,” ani Roque.

Kamakailan ay isiniwalat ni Duterte na nakipagsabwatan si Trillanes sa mga dila­wan, maka-kaliwa at sa Magdalo  para patal­sikin siya sa puwesto.

“ Si Trillanes, he’s collaborating, sleeping with the enemy,” aniya.

Sinabi ng Pangulo na ang intelligence report hinggil sa destabili­sa­s-yon laban sa kanyang administrasyon  ay ibi­nigay ng ibang bansa at ipupursigi ng kanyang mga kalaban sa susu­nod na buwan.

(ROSE NOVENARIO)

About Rose Novenario

Check Also

Ramil Ventenilla Michael Mon Rosette Punzal Kenaz Bautista

Isinangkot sa mga kaso ng katiwalian
Mangatarem Mayor, VM, at municipal accountant  inireklamo sa Ombudsman

NAHAHARAP sa patong-patong na kaso sa Tanggapan ng Ombudsman sina Mangatarem, Pangasinan Mayor Ramil Ventenilla, …

TRABAHO Partylist 106

TRABAHO Partylist, isinusulong ang karapatan ng manggagawa sa pagsalubong ng Labor Day 2025

Sa paglapit ng pagdiriwang ng Araw ng Paggawa sa Mayo 1, muling iginiit ng TRABAHO …

Malabon City

Kapag hindi nakalusot sa Comelec
Deskalipikasyon vs Sandoval posible

NANGANGANIB na madeskalipika o malagay sa bingit ng alanganin ang kandidatura ni Malabon re-electionist Jeannie …

Isko Moreno Manny Pacquiao

Anak ng Mahirap at Batang Maynila
Manny Pacquiao at Isko Moreno nagsanib-puwersa sa kampanya

BASECO, MAYNILA — Nagsanib-puwersa si senatorial candidate Manny Pacquiao, na kilala bilang “Anak ng Mahirap” …

Aiko Melendez

Aiko umalma pinagbintangan sa baklas tarpaulin ng isang kongresista

MA at PAni Rommel Placente PINARARATANGAN sI Aiko Melendez na siya ang nag-uutos na baklasin ang mga …

Leave a Reply

Your email address will not be published. Required fields are marked *