Sunday , February 25 2024

Senate president ikinustodiya si Trillanes

ISINAILALIM si Senador Antonio Trillanes IV sa kustodiya ni Senate President Vicente Sotto III makaraan ipawalang-bisa ni Pangulong Rodrigo Duterte ang amnestiya at iniutos ang pag-aresto sa senador.

Sinabi ni Trillanes, dating Navy officer na lumahok sa kudeta laban sa Arroyo administration, ang nabuong desisyon ay makaraan makipag­pulong siya kina Sotto at Minority Leader Franklin Drilon.

“Kakakausap lang namin kay Senator Sotto. I was placed in the custody of the Senate President,” pahayag ni Trillanes sa press con­ference.

Sinabi ni Trillanes, ang kanyang mga abo­gado ay maghahain ng mga kailangang petisyon sa Supreme Court laban sa Proclamation 572 ni Duterte, nakasaad na ang amnestiyang ipinag­kaloob sa senador ay walang bisa sa simula pa lamang dahil hindi siya sumunod sa “minimum requirements to qualify under the amnesty pro­clamation.”

Habang nasa kusto­diya, mananatili si Trillanes sa loob ng bisinidad ng Senado.

Sinabi ni Sotto, ang kanyang desisyon na ikustodiya si Trillanes ay upang mapanatili ang dignidad ng Senado.

“I have consulted with some members of the Senate already, to preserve the dignity of the Senate, we have to not allow any senator to be arrested in the Senate premises. Outside the Senate premises, that’s no longer our concern but within the Senate premises that’s the decision of the leadership,” pahayag ni Sotto sa mga mama­maha­yag bago ang sesyon.

Kinompirma niyang si Trillanes ay mananatili sa Senado ngunit magkak­aroon ng caucus ang mga senador upang talakayin ang mga limitasyon.

“Hindi ko pa masabi (kung ano ang limita­tions). Tingnan natin kung ano ang sasabihin ng ibang senador because there are other perspective siyempre from those who have experienced the same and those who have not experience the same and looking at it at a different perspective,” pahayag ni Sotto.

(CYNTHIA MARTIN/NINO ACLAN)


Alam ni Ex-PNOY: Amnestiya depektibo
Alam ni Ex-PNOY: Amnestiya depektibo
Salag ni Trillanes: Pagbawi political persecution
Salag ni Trillanes: Pagbawi political persecution
Pagbawi sa amnestiya kay Trillanes, Kabaliwan — Solon
Pagbawi sa amnestiya kay Trillanes, Kabaliwan — Solon
Utos ni Duterte: Trillanes ibalik sa kulungan
Utos ni Duterte: Trillanes ibalik sa kulungan

About Niño Aclan Cynthia Martin

Check Also

SMC San Miguel Aerocity Biodiversity

SMC launches PHL’s first complete biodiversity offset Site in Bulacan

San Miguel Aerocity, Inc. (SMAI), a subsidiary of San Miguel Corporation (SMC), has inaugurated its …

Sa DigiPlus maging responsableng gamer, puwede

Sa DigiPlus
MAGING RESPONSABLENG GAMER, PUWEDE

PINAIIGTING ng DigiPlus Interactive Corp. (DigiPlus), operator ng mga nangungunang digital platform gaya ng BingoPlus, …

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Leave a Reply

Your email address will not be published. Required fields are marked *