P6-M smuggled sugar nasabat sa motorboat sa Zamboanga

HALOS 2,000 sako ng puslit na asukal, tinata­yang P6 milyon ang hala­ga, ang nasabat mula sa motorboat sa Zamboanga City, kamakalawa.

Ayon sa Philippine Coast Guard (PCG), lulan sa MV Fatima Shakira ang asukal mula sa Malaysia, at dumaan sa Bongao, Tawi-Tawi.

Ngunit walang naipa­kitang wastong doku­men­to ang kapitan ng motor­boat para sa nasa­bing kargamento.

“Initial investigation na ginawa po natin ay ga­ling Malaysia. The same brand ng sugar ‘yung nanggaling po saan, ‘yung nahuli po noong naka­raan,” ayon kay Coast Guard Station-Zam­boanga City Com­mander Noriel Ramos.

Dagdag niya, “Ito ‘yung nagdadala po ng smuggled rice from Ma­lay­sia. So na-intercept po natin ‘yan dito sa bandang Pilas and Kawit.”

Sinabi ng kapitan ng motorboat, na si Alkaser Jaafar, ang kargamento ay mula sa Jolo, Sulu.