Acting ni Daniel, ‘di na pa-cute

READ: Paggawa ng indie movie, tigilan na

ILANG version na nga ba ng trailer niyong pelikulang The Hows of Us, na hindi pa man nagsisimula ay alam mo nang isang pelikulang tiyak na kikita. Napakalakas ng casting ng pelikula, Daniel Padilla at Kathryn Bernardo. Ang director ay si Cathy Garcia-Molina, na kinikilala ring isang box office director. Wala kaming duda kikita iyan. Baka ang kitain niyan ay mas malaki pa kaysa pinagsama-samang kita ng lahat ng pelikula roon sa Pista ng Pelikulang Pilipino.

Pero ang gusto naming punahin, sa lahat ng trailer ng pelikula, ang nakatatawag ng pansin ay ang sensitibong acting ni Daniel. Magawa nga kayang ulitin ni Molina na maipanalo ng best actor si Daniel kagaya ng nagawa ni Olivia Lamasan? Pero para sa amin maliwanag, mas sensitibo nga ang acting ngayon ni Daniel, at nawala na iyong pagpapa-cute na hanggang ngayon ay ginagawa pa rin ng ibang mga kasabayan niya.

HATAWAN
ni Ed de Leon