HATAW! D'yaryo ng Bayan hatawtabloid.com
INIULAT na isang bangkay ng babaeng overseas Filipino worker (OFW) ang natagpuan sa loob ng isang hotel sa Saudi Arabia.
Base sa ulat na ipinadala sa Department of Foreign Affairs (DFA) sa konsulada ng Filipinas sa Jeddah, ipinagbigay-alam ng isang concerned member ng Filipino Community doon ang insidente. Hindi inihayag ng konsulada ang pangalan ng biktimang nasa 52-taon gulang.
Ayon kay Consul General Edgar Badajos, ikinalulungkot nila ang pagkamatay ng nasabing Filipina.
Nakikipag-ugnayan sa kasalukuyan ang embahada ng Filipinas sa mga awtoridad doon upang mabatid ang dahilan ng pagkamatay ng Filipina worker.
ni JAJA GARCIA
