Wednesday , February 21 2024
Tiktok, Bureau of Immigration

‘Tiktok’ ipinagbabawal nang talaga sa IOs on duty

BULABUGIN
ni Jerry Yap

PORMAL nang naglabas ng direktiba si Bureau of Immigration – Port Operations Division (BI-POD) chief, Atty. Carlos Capulong para ipagbabawal ang pagpo-post sa social networking site na “TikTok” ng mga video ng ilang immigration officers sa airport habang suot ang kanilang uniporme sa trabaho.

Unang nasapol ang mga miyembro ng POD tungkol sa bagay na ito matapos umabot sa kaalaman ng mga pinuno ng BI ang walang habas na pagrampa ng mga KSP o “Kulang Sa Pansin” na Immigration Officers (IOs).

Noon pa man ay nailathala na natin dito sa ating kolum ang isang IO na nagba-vlog tungkol sa “departure formalities” ng overseas Filipino workers (OFWs) pati ang mga dahilan kung bakit sila nao-offload sa immigration counters.

May iba pa sa kanila na kumakanta at nagsasayaw habang suot ang kanilang uniporme na kung pakalilimiin ay masasabing ‘conduct unbecoming’ para sa gaya nilang mga opisyal ng gobyerno.

Ipinag-utos na rin ni BI Commissioner Jaime Morente ang agarang imbestigasyon sa ilang mga miyembro ng BI-POD sa Ninoy Aquino International Airport (NAIA) na sangkot sa nakalap na report.

“I was instructed by Commissioner Morente to hold these errant employees liable by forwarding their cases to our Board of Discipline (BOD) for investigation, and filing of the appropriate administrative cases,” saad ni Cabulong ‘este’ Capulong.

Aksiyonan naman kaya ito ng reyna ‘este’ hepe ng BOD?

Bukod sa pag-aura sa TikTok ay pinaaalalahanan din ang mga empleyado ng ahensiya na umiwas sa paggamit ng cellular phones at electronic gadgets habang sila ay nasa duty.

(Ang tagal nang may memo na no gadget while on duty ah?!)

Disyembre noong nakaraang taon nang unang ipag-utos ni Morente na bawal ang pagpo-post sa TikTok ng mga video ng mga empleyado na ibinabandera ang kanilang pagrampa habang suot ang kanilang uniporme.

 (By the way Comm. Mento ‘este’ Morente, kapag hindi ba naka-uniporme puwede nang mag-Tik-Tok?)

“Our policy on the wearing of the BI uniform is clear. As public servants, employees must proudly wear their uniform at all times, present a professional image to the public and observe proper decorum and good taste in all their actions while they are on duty,” ayon sa memo ni Morente.

Yown, sapol!

Bukod sa hindi magandang epekto na dulot ng “TikTok” ay nakapagpapababa rin ito ng imahen sa publiko para sa mga empleyado ng ahensiya!

Submarine pa more, guys!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

SM, DOTr, break ground for EDSA Busway

SM, DOTr, break ground for EDSA Busway concourse
Commuters to have safer, more convenient transportation

SM Prime Holdings Inc., in partnership with the Department of Transportation (DOTr), led the groundbreaking …

Mr DIY 1

MR.DIY Philippines Marks 500th Store Milestone Event in Panglao, Bohol
Celebrating with a Store Grand Reveal, Media Round Table, and a Spectacular Motorcade

MR.DIY Philippines celebrated the grand opening of their Panglao, Bohol Branch with a festive and …

Mr DIY 1

Mr. DIY Philippines: Trailblazing the retail platform with 500 stores strong

The opening of the MR.DIY Panglao Branch represents a significant milestone as the 500th store …

Krystall Herbal FGO Fely Guy Ong

Kitchen helper tuwang-tuwa sa epekto ng Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          I’m Jennilyn …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …