Thursday , March 28 2024
Alan Peter Cayetano, Sampung Libong Pag-asa

10K ayuda biyaya sa 10K benepisaryo

UMABOT sa 10,458 ang mga nakatanggap ng P10K ayuda sa ilalim ng programang

Sampung Libong Pag-asa ni dating Speaker Alan Peter Cayetano at mga kaalyadong kongresista sa BTS o Back To Service kasama si Congw. Lani Cayetano.

Pangunahing layunin ng 10K ayuda na maiahon, hindi lamang maitawid sa kanilang lugmok na kalagayan ang mga Filipino dulot ng pandemyang CoVid-19.

Kabilang sa mga benepisaryo ng 10K Ayuda ang ating mga kababayang nawalan ng trabaho at hanapbuhay, mga naluging malilit na negosyo, overseas Filipino workers (OFWs) at seafarers, mga atleta at coaches ng sports community, entertainers at stand-up comedians, kawani ng food industry, at iba pang sektor ng lipunan.

Nitong Biyernes, 200 ang nakatanggap ng P10K ayuda. Sa bilang na ito, 150 ang pinili sa pakikipagtulungan sa mga pamahalaang lungsod ng Maynila, Muntinlupa, San Juan, at Mandaluyong, samantala 50 ang pinili mula sa nakalipas na Facebook livestream ng programa.

Kasama ni Cayetano na namigay ng P10K ayuda sa mga BHW si Taguig 2nd Dist. Congw. Lani Cayetano na pangunahing nagsusulong para sa mas mataas na benepisyo ng mga BHW.

“Si Lani has really been working hard sa ating frontliners, lalo sa nutrition scholars, barangay tanods, at barangay health workers. From the start, ‘yun ang request niya sa akin, dahil ang mga barangay health workers in most areas around the country, dahil kapos o salat sa budget ang ating LGUs, ay allowance lang,” wika ni Cayetano.

Giit ni Congw. Lani Cayetano, bagaman allowance lamang ang natatanggap ng BHWs, “mahalagang tulong” ang hatid nila sa mga doktor at nurse, lalo ngayong nasa pandemya ang bansa.

“Hopefully, itong Sampung Libong Pag-asa (this program) can give some hope or some help to all of you,” dagdag niya.

        “Karamihan ng ating mga barangay health workers ay nananatiling allowance basis, pero hindi matatawaran ang mahalagang tulong nila sa ating mga doktor at sa ating mga nurses, lalo noong tumama sa atin ang pandemya,” ani Congw. Cayetano.

Inilunsad ang Sampung Libong Pag-asa noong a-uno ng Mayo upang bigyan ng tulong pinansiyal ang mga indibiduwal na lubos na tinamaan ng pandemya.

Pinangungunahan ni Cayetano ang programa na nagsisilbi bilang kampanya ng grupo para sa pagkakasama ng P10,000 ayuda sa panukalang Bayanihan 3.

About hataw tabloid

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Leave a Reply

Your email address will not be published. Required fields are marked *