Sunday , November 28 2021
30th Southeast Asian Games SEAG
30th Southeast Asian Games SEAG

PH kompiyansa sa SEAG

TIWALA ang Filipinas na kaya nilang magtapos sa top three countries sa paparating na 30th Southeast Asian Games na dito gaganapin sa susunod na taon.

Ito ay ayon kay Philippine delegation chef de mission Monsour del Rosario matapos ang ginanap na official SEA Games countdown sa Bayanihan Park sa Angeles City, Pampanga kamakalawa.

Idiniin ni Del Rosario na ito ang makatarungang hamon niya sa mga atletang Filipino dahil masyado aniyang magiging malaking pressure ang hingin agad ang overall championship matapos ang ikaanim na pagtatapos sa nakaraang 2017 SEAG sa Malaysia.

We all want that overall trophy. I want that. But I don’t want to promise that we will win the overall championship,” ani Del Rosario.

“Ayokong pangunahan. Ang gusto ko modest lang ako sa target projection ko na top three.”

Isa aniya sa dahilan kung bakit posible ang top three finish ng bansa ay dahil sa pagiging host country nito.

Bilang host kasi, may kapangyarihan ang Filipinas na siyang pumili ng mga partikular na events sa 56 sports na naaprobahan na ng SEAG Federation Council para sa pinakamalaking biennial event sa rehiyon ng Southeast Asia.

“Iyon din ang advantage natin as host. A lot of our neighbors are not expected to field a team in all 56 sports. Now, if we can parade a formidable national team in all sports, may tsansa talaga tayo,” saad niya.

“Alam ko, kaya ng team mag-top 3 pero kung kaya ng team mag-overall champion,  mas masaya ang Pasko natin sa 2019.”

Ayon kay Del Rosario, malaking tulong ang homecourt advantage lalo’t may dagdag na inspirasyon ang mga atletang Pinoy.

“Iba kapag lumalaban ka sa harap ng mga kababayan mo e. Na-experience ko iyon. Iyong parang babagsak ka na pero babangon ka pa rin dahil sa homecrowd. It is an added push,” dagdag niya.

“Kaya alam ko ibibigay ng mga atleta natin ang buong puso nila.”

Magbubukas ang SEAG sa 30 Nobyembre sa Philippine Arena sa Bocaue, Bulacan.

Ngunit hindi iyo ang magiging tahanan ng SEAG, bagkus ay sa itinatayong world class facility na New Clark City Sports Complex sa Capas, Tarlac na sisibol ang IAAF-certified na 20,000-seater athletics stadium, FINA-standard na 2,000-seater aquatics center gayondin ang unang athletes’ village sa bansa.

Ito ang unang major sports facility na ipinatayo ng pamahalaan simula nang gawin ang Rizal Memorial Sports Complex sa Maynila noong 1934.

Inaasahang nasa 10,000 ateleta ang dadalo rito sa bansa mula sa 11 bansa ng Southeast Asia para sa misyong maging hari ng palakasan sa naturang rehiyon.

Huling nagwagi ng overall na kampeonato ang bansa noong 2005 na huli rin nag-host ng SEAG ang Filipinas.

 

ni John Bryan Ulanday

 

About John Bryan Ulanday

Check Also

Jonas Sultan, Carlos Caraballo

Sultan tinibag si Caraballo via unanimous decision

HINDI kinatakutan ni Pinoy boxer at dating world title challenger Jonas Sultan ang karta ni …

Logan Paul, Mike Tyson

Tyson vs Paul sa Pebrero 2022

KINUMPIRMA ni dating undisputed heavyweight champion Mike Tyson na babalik siya sa boxing ring sa …

Dwight Ramos, Toyama Grouses

Aomori tinambakan ng Toyoma, 105-71

PINAGPAHINGA na lang si Dwight Ramos ng Toyama Grouses nang tambakan nila ang Aomori Wat’s sa iskor …

Floyd Mayweather, Michael Jordan, David Beckham

Jordan mas mayaman pa kina Mayweather at Beckham

TINATAYANG sina Floyd “Money” Mayweather at David Beckham ang pinakamayamang atleta  sa lahat ng panahon, …

PSC, PSI, NSCCC

300 coaches nakinabang sa PSC’s sport-specific lectures

NAKATANGGAP ang 300 partisipante  ng online sports specific lectures sa athletics, badminton, at volleyball sa …

Leave a Reply