Sunday , May 19 2024
Stanley Pringle Christian Stand­hardinger
Stanley Pringle Christian Stand­hardinger

Pringle Out, Standhardinger in para sa Gilas kontra Iran

PAPALITAN ni Christian Standhardinger si Stanley Pringle bilang naturalized player ng Gilas sa pakikipagharap nito kontra sa dayong Iran ngayon sa pagpapatuloy ng fifth window ng 2019 FIBA World Cup Asian Qualifiers sa Mall of Asia Arena.

Ito ay ayon sa bagong 12-man roster na inilabas ng Samahang Basketbol ng Pilipinas kahapon.

Makakasama ni Standhardinger sina Jayson Castro, Troy Rosario at Arwind Santos bilang bagong manlalaro sa Gilas line-up matapos hindi sumalang kontra Kazakhstan noong nakaraang Biyernes.

Ito ang pagbabalik nina Castro at Rosario sa pambansang koponan matapos ang tatlong larong suspensiyon mula sa FIBA habang si Santos naman ay maglalaro sa Gilas sa kauna-unahang pagkakataon simula 2009.

Bahagi rin ng final 12 roster ni head coach Yeng Guiao ang mga natirang manlalaro mula sa laban kontra sa Kazakhstan na sina Japeth Aguilar, Beau Belga, June Mar Fajardo, Marcio Lassiter, Gabe Norwood, LA Tenorio, Scottie Thompson at Matthew Wright.

Ilan sa kilalang manlalaro na natanggal sa line up ngayon ay sina Pringle, Greg Slaughter, JP Erram at Alex Cabagnot.

Umaasa si Guiao na ang bagong koponan ay sapat upang makabawi sila mula sa masaklap na 88-92 silat na kabiguan kontra sa Kazakhstan noong nakaraang Biyenes at mapanatiling buhay ang tsansa nito sa prestihiyosong World Cup na sa China sa susunod na taon.

Bunsod kasi ng kritikal na kabiguan, bumaba na ngayon sa ikatlo hanggang ikaapat na puwesto ang Gilas katabla ang Japan hawak ang 5-4 baraha. Ang Iran naman ay bahagyang nasa unahan sa ikalawang puwesto tangan ang 6-3 kartada.

Tatlong koponan mula sa Group F ang papasok sa World Cup kaya’t kinakailangan ng Gilas ang mahalagang panalo upang mapatatag ang kapit sa tersera papasok sa huling window ng Asian Qualifiers sa Pebrero.

Inaasahang hindi magiging madali ang hangarin ng Gilas dahil siguradong gutom ang Iran na makabawi din mula sa masaklap na 47-76 kabiguan kontra Australia noong nakaraang Biyernes.

Sa kabutihang palad, posibleng magkulang ng kargada ang Iran dahil hindi nakapaglaro kontra Australia ang mga pambato nitong sina Arsalan Kazemi at Hammed Haddadi.

John Bryan Ulanday

About John Bryan Ulanday

Check Also

Ricielle Maleeka Melencio COPA

COPA, NCR ‘One For All-Para sa One Swimming Championships

NANGIBABAW ang karanasan ng  international youth campaigner na sina Patricia Mae Santor, Ricielle Maleeka Melencio …

Louiseville tatakbo sa Hopeful Stake Race sa Metro Turf

Louiseville tatakbo sa Hopeful Stake Race sa Metro Turf

IPAPAMALAS ang husay ng kabayong si Louiseville sa kanyang pagtakbo sa 2024 Philracom “Hopeful Stakes …

Jungkook

Kinuha ni Jungkook ang Classic Cup

SA KABILA ng matinding init, nagwagi ang Jungkook ni Tisha Sevilla (Low Profile out of …

Christian Gian Karlo Arca Chess

Vietnamese GM Tran Tuan Minh nasorpresa sa Chebanenko Slav
ARCA NAHABLOT SOLONG LIDERATOSA VIETNAM CHESS
Tsansa para sa 2nd IM norm napalakas

MANILA – Ginulat ni Filipino FIDE Master (FM) Christian Gian Karlo Arca si top seed …

Christian Gian Karlo Arca Chess

Arca nakatutok sa 2nd IM norm  sa Vietnam chess meet

MANILA – Nakatutok si Filipino FIDE Master (FM) Christian Gian Karlo Arca sa kanyang second …

Leave a Reply

Your email address will not be published. Required fields are marked *