Pulis binugbog 3 bebot timbog

ARESTADO ang tatlong babaeng lasing makaraan pagtulungang gulpihin ang isang pulis habang hinuhuli ang dalawang lalaking ayaw magbayad ng kanilang nainom sa Navotas City, kahapon ng umaga.

Kulong ang mga suspek na sina Roby Rose Cinca, 26; Junnacel Sa­pian­dante, 27, at Meldi Silva, 27, pawang resi­dente sa Brgy. Tonsuya, Malabon City, at mga waitress sa Erica’s Res­tobar, nahaharap sa ka­song direct assault upon agent in authority, at alarm and scandal.

Batay sa ulat ng pu­lisya, dakong 5:10 am nang maganap ang insi­dente sa nasabing restobar sa kanto ng Lapu-Lapu at M. Naval streets, Brgy. North Bay Boulevard.

Napag-alaman, hu­mi­ngi ng tulong ang security guard na si Joel Libre kay PO1 Christian Oclares ng Navotas PCP 4 dahil sa dalawang cos­tumer na sinadyang hindi magbayad ng kanilang nainom.

Nang aarestohin ng pulis ang dalawang lala­king hindi nagbayad ay inawat siya ng tatlong lasing na babae at pinag­tulungang bugbugin da­hilan upang guma­gamit ng lakas ang awtoridad.

(ROMMEL SALES)