Thursday , March 28 2024
Datu Piang, Maguindanao Explosion

1 patay, 7 sugatan sa LGBTQ group sa Maguindanao (Mga miron sa volleyball game pinasabugan)

ISA kataoang namatay, habang sugatan ang pitong iba pang miyembro ng LGBTQ community sa pagsabog sa bayan ng Datu Piang, lalawigan ng Maguindanao, nitong Sabado ng hapon, 18 Setyembre.

Kinompirma ng 6th Infantry Division ng Philippine Army na namatay, kamakalawa ng gabi, ang isang biktimang nasa kritikal na kondisyon dahil sa pinaniniwalaang pagpapasabog ng improvised explosive device (IED).

Ayon kay Lt. Col. John Paul Baldomar, tagapag­salita ng 6th ID, wala pang umaamin ng responsi­bilidad sa pagpapasabog ngunit tinitingnan na nila ang klase ng IED na ginamit na ‘signature’ umano sa Central Minda­nao.

Ikinikonsidera rin ng mga awtoridad ang ilang mga posibleng motibo gaya ng maaaring ito ay diversionary tactic ng Bangsamoro Islamic Freedom Fighters at Dawlah Islamiya, at maa­ari rin may kinalaman sa eleksiyon dahil kilala ang Datu Piang bilang election hot spot.

Isa pang tinitingnang motibo ay ang personal na galit laban sa LGBTQ community dahil karami­han sa mga biktima ay miyembro ng LGBTQ at nakatatanggap umano ng mga banta sa kanilang mga buhay bago pa ang insidente.

Samantala, ipinag-utos ni Philippine National Police chief P/Gen. Guiller­mo Eleazar sa Police Regional Office Bangsa­moro Autonomous Region (PRO BAR) na masusing imebstigahan ang pagpa­pasabog.

Ipinag-utos niya sa pulisya sa rehiyon na makipag-ugnayan sa lokal na puwersa ng mga sundalo upang magsagawa ng manhunt operation upang masukol ang mga salarin at maseguro ang kaligtasan sa Maguindanao at sa iba pang lugar na maaaring maganap ang katulad na pangyayari.

About hataw tabloid

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Leave a Reply

Your email address will not be published. Required fields are marked *