Saturday , April 1 2023
231 bagong recruits sa PRO3 PNP nanumpa sa katungkulan

231 bagong recruits sa PRO3 PNP nanumpa sa katungkulan

PINANGASIWAAN ni PRO3 PNP Regional Director P/BGen. Valeriano De Leon ang panunumpa sa katungkulan ng mga bagong kaanib ng Philippine National Police kasunod ng pagpapakilala ni P/Col. Joyce Patrick Sangalang, hepe ng Regional Personnel and Records Management Division, nitong Biyernes ng umaga, 22 Oktubre, sa  PRO3 Grandstand, Camp Olivas, lungsod ng San Fernando, lalawigan ng Pampanga.

Pupunuin ng 231 matatagumpay na aplikante ang mga puwang para sa Patrolman Attrition Quota para sa CY 2021 upang madagdagan ang kapangyarihan ng pulisya, mapagbuti ang police-to-population ratio, pag­butihin ang police visibility program at anti-insurgency operation ng PNP.

Pinili ang mga bagong police personnel matapos ang mahigpit na proseso ng pagsala na isinagawa ng Regional Screening Committee on Recruitment na pinamunuan ni P/BGen. Narciso Domingo, PRO3 Deputy Regional Director for Administration. 

Matapos ang sere­monya ng panunumpa, sasaailalim ang mga bagong kaanib sa karag­dagang isang taon pag­sasanay sa Regional Training School 3 sa bayan ng Magalang, Pampanga.

“Bilang mga bagong pulis, magsumikap kayo na maging instrumento ng pagbabago at katuparan ng mga mithiin ng PNP. Huwag ninyong sasayangin ang pagkakataong ibinigay sa inyo at lagi ninyong alalahanin na marami ang ipinatawag upang umanib, ngunit kayo ang pinalad na mahirang. Namnamin ninyo ang inyong training at sandaling panahon lang na mawawalay kayo sa inyong pamilya. Sila ang gawin ninyong inspirasyon. Tandaan ninyo, malaki ang inyong gagampanang tungkulin sa patuloy na pagbuo ng isang huwarang pambansang pulisya na kinabibilangan ng mara­rangal, mga propesyonal, at matatapat na mga miyembro nito at isa kayo sa magiging bahagi ng mga pangarap na ito,” pahayag ni P/BGen. De Leon.

 (MICKA BAUTISTA)

About Micka Bautista

Check Also

MARINA PCG Coast Guard

MARINA, Coast Guard ano’ng ginagawa — solon

MATAPOS ang sunod-sunod na aksidente sa karagatan ng bansa, nagtatanong si Cavite Rep. Elpidio Barzaga, …

Bulacan Police Provincial Office, PNP PRO 3

Mahigit 1K pulis sa Central Luzon ikakalat sa mga lansangan para ‘Ligtas SumVac 2023″

Ipinahayag ni Police Regional Office 3 Director PBGeneral Jose S. Hidalgo Jr, na ang buong …

paputok firecrackers

 Kaligtasan muna, ayon sa mga pyro manufacturer dealers

Upang mapanatiling sariwa sa kaisipan ng mga stakeholder ang safety practices sa paggawa, pagbebenta, pamamahagi …

Bulacan Police PNP

7 tirador na tulak at 6 na pugante,  kinalawit

Sa pinaigting na operasyon ng kapulisan ng Bulacan ay naaresto ang labingtatlong indibiduwal na pawang …

Batakan ng Shabu sa Mabalacat City, sinalakay ng PDEA

Batakan ng Shabu sa Mabalacat City, sinalakay ng PDEA

Nagawang baklasin ng mga ahente ng Philippine Enforcement Agency Region III (PDEA-3) ang isang makeshift …