Monday , August 8 2022
Serrano Crime Group arrest

Kanang kamay ng gang leader tiklo, 4 pa nasakote

NADAKIP ng mga awtoridad ang tumatayong kanang-kamay ng lider ng Serrano Crime Group habang inaresto ang apat na iba pa dahil sa paglabag sa batas sa lalawigan ng Bulacan, nitong Sabado, 23 Oktubre.

Sa ulat kay P/Col. Manuel Lukban, Jr., acting provincial director ng Bulacan PNP, kinilala ang arestadong suspek na si Kart Vergara, residente ng Brgy. Tinejero, sa bayan ng Pulilan, at pinaniniwalaang kanang kamay ng lider ng Serrano Crime Group.

Sinasabing ang grupo ni Vergara ay sangkot sa pagbebenta ng ilegal na droga at mga baril na umiikot sa munisipalidad ng Pulilan at mga kalapit-bayan nito.

Nasakote si Vergara sa buy bust operation na magkatuwang na ikinasa ng Pulilan Municipal Police Station (MPS) at Provincial Intelligence Unit (PIU).

Nakompiska sa suspek ang 22 pakete ng hinihinalang shabu na tinatayang nagkakahalaga ng P63,512 at buy bust money.

Gayondin, naaresto ang dalawang indibiduwal sa magkahiwalay na anti-drug operation na ikinasa ng mga elemento ng San Ildefonso at San Rafael MPS.

Kinilala ang mga suspek na sina Jerwin Torres, alyas Tangkad, ng Brgy. Sapang Putik, San Ildefonso; at Froilan Duro, alyas Olan, ng Brgy. Minuyan Proper, San Jose del Monte, nakuhan ng 11 pakete ng hinihinalang shabu at buy bust money.

Samantala, nadakip ang suspek na kinilalang si Gladys Villacarlos, ng Sta. Cruz, Maynila, dahil sa pagnanakaw ng iba’t ibang school supplies sa loob ng SM Department Store, sa SM City Marilao.

Gayondin, nasukol ng mga tauhan ng Malolos CPS ang suspek na kinilalang si Louel Rubio ng Brgy. Bulihan, Malolos, na matagal nang pinagha­hanap ng batas dahil sa kasong Theft.

 (MICKA BAUTISTA)

About Micka Bautista

Check Also

shabu drug arrest

P2.1-M shabu nasamsam 4 big time tulak timbog sa Pampanga at Bulacan

NADAKIP ang apat na pinaniniwalaang malalaking drug peddlers sa patuloy na pinaigting na kampanya laban …

Money Bagman

Instant milyonaryo
BULAKENYO TUMAMA SA LOTTO

NAGING instant milyonaryo ang isang mananaya mula sa Balagtas, Bulacan matapos mapanalunan ang jackpot sa …

080522 Hataw Frontpage

Sa GenSan
6 PATAY, 7 SUGATAN SA KARAMBOLA NG 3 SASAKYAN 

ANIM katao ang namatay habang pito ang sugatan sa naganap na banggaan ng tatlong sasakyan …

Kelot tumalon sa NAIA duguan pero nabuhay

Kelot tumalon sa NAIA duguan pero nabuhay

GRABENG napinsala pero nakaligtas sa kamatayan ang isang 26-anyos lalaki nang tangkaing magpakamatay sa pamamagitan …

Alcatraz Prison

Mala-Alcatraz na kulungan, itatayo para sa heinous crime convicts

MAGTATAYO ng mala-Alcatraz na pasilidad para sa bilanggong nahatulan sa heinous crimes, gaya ng murder, …