Wednesday , May 29 2024
Bulacan Police Provincial Office, PNP PRO 3
Bulacan Police Provincial Office, PNP PRO 3

20 pasaway nasakote sa Bulacan PNP anti-crime operations

PINAGDADAMPOT ng mga awtoridad ang 20 kataong pawang lumabag sa batas matapos magsagawa ng operasyon laban sa krimen sa lalawigan nitong Martes, 31 Agosto.

Sa pagkilos ng mga tauhan ng Station Drug Enforcement Units (SDEU) ng Norzagaray, San Miguel, at San Jose Del Monte, nadakip ang limang drug personalities na kinilalang sina Manuel Bonifacio at Camilo Ocampo, alyas Camelo, kapwa ng Brgy. Kaypian, SJDM; Albert Bartolome ng Brgy. Minuyan Proper, SJDM; Mark Niño Tumandao ng Brgy. Tigbe, Norzagaray; at Crispin Lacanilao, alyas Ingpin ng Brgy. Tigpalas, San Miguel.

Nakuha ng pulisya mula sa mga suspek ang kabuuang 13 pakete ng hinihinalang shabu, coin purse, at buy bust money.

Samantala, nadakip din ang 13 suspek sa iba’t ibang operasyong inilatag laban sa sugal na ikinasa ng magkasanib na elemento ng 2nd Provincial Mobile Force Company (PMFC), Baliwag MPS, Criminal Investigation and Detection Group (CIDG), at Sta. Maria MPS.

Nakorner ang walo sa mga suspek habang nasa kainitan ng pagsusugal ng tong-its, at naaktohan ang limang iba pa nna ginawang sugal ang paglalaro ng pool.

Samantala, huli sa akto ang suspek na kinilalang si Ruel Balangbang na nagtatapon ng mga basura (collected domestic, industrial, commercial and institutional wastes) at kinasuhan ng paglabag sa RA 9003 o Ecological Solid Waste Management Act dahil walang maipakitang dokumento o DENR trip ticket.

Nasukol ang suspek na kinilalang si Danna Ocbian ng Brgy. Batia, Bocaue, sa kasong Qualified Theft sa Coke Avenue, FBIC Compound, Brgy. Tikay, sa lungsod ng Malolos.

Pahayag ni P/Col. Lawrence Cajipe, hindi tumitigil ang Bulacan police sa matinding kampanya sa lahat ng uri ng krimen sa lalawigan sang-ayon sa direktiba ni PRO 3 Regional Director P/BGen. Valeriano De Leon. (MICKA BAUTISTA)

About Micka Bautista

Check Also

Online gambling target lusawin ng Manila solons

Online gambling target lusawin ng Manila solons

DESIDIDO ang dalawang konggresista ng Maynila na lusawin ang ang namamayagpag na sugal sa online …

Online Gambling Gambling lalansagin ng 2 Konggresista ng Maynila

Online Gambling Gambling lalansagin ng 2 Konggresista ng Maynila 

PURSIGIDO ang dalawang magiting na konggresista ng Maynila na lansagin ang mga namamayagpag na sugal na …

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

Leave a Reply

Your email address will not be published. Required fields are marked *