TRAIN 2 isinulong

MAKARAAN maram­daman ng taong-bayan ang resulta ng TRAIN Law ay agad inianunsiyo ni Pangulong Rodrigo Duterte sa kanyang ikatlong State of the Nation Address (SONA) ang TRAIN Law 2 o panibagong tax reform package.

Ayon kay Pangulong Duterte, ang TRAIN Law ay makatutulong para sa mga maliliit na mang­gagawa at negosyante

Tinukoy ni Duterte na halos 99 porsiyento ng mga negosyo ay pawang mga kabilang sa micro small enterprise.

Kaya dapat ay maka­kuha ng maliit na pagbabayad ng buwis sa kanilang maliit na kita mula sa kanilang nego­syo.

Nanindigan si Dutete na hindi niya ipasusus­pende ang pagpapatu­pad ng TRAIN Law sa kabila ng mga panawa­gan.

Binigyang-diin ni Du­ter­te na malaki ang naging tulong ng naturang batas upang sa ganoon ay lalong maging matatag at umunlad ng ekonomiya ng bansa.

Isa sa mga ipinunto ni Pangulong Duterte na naging resulta ng TRAIN Law ay pagbibigay ng tulong sa senior citizens, aniya’y mahigit 40 porsiyento na ang naka­tatanggap ng benepisyo, kabilang ang Pangtawid Pamilya Program.

At kaniyang inaasa­han na sa susunod na mga araw ay mabibigyan pa nila ang 60 porsiyento ng nasabing sektor.

Idinagdag ni Duterte na patuloy rin ang pag­bibigay ng diskuwento sa mga pampublikong sa­sak­yan at libreng bigas para sa mahihirap.

Nanawagan si Duter­te sa Kongreso na sana ba­go matapos ang taon ay kanya nang malagdaan ang TRAIN Law 2 o pani­bagong tax reform package. (NIÑO ACLAN)