HATAW! D'yaryo ng Bayan hatawtabloid.com
ARESTADO ang tatlong hinihinalang tulak ng illegal na droga sa buy-bust operation ng mga tauhan ng Anti-Illegal Drugs Unit ng Marikina City PNP kamakalawa.
Kinilala ng pulisya ang mga nadakip na sina Efren Canieso, 21; Angela Canieso, 18, at Marvin Canieso, 24, pawang mga residente sa 19 Missouri St., Brgy. Malanday ng lungsod.
Nakompiska mula sa mga suspek ang walong plastic sachet ng hinihinalang shabu, drug paraphernalia at P1,000 marked money na ginamit sa operasyon.
Sinampahan ng kasong paglabag sa RA 9165 o Comprehensive Dangerous Drugs Act of 2002 ang mga suspek.
(ED MORENO)
