Erich, sumablay na naman ang lovelife

BALITANG sablay na naman ang lovelife ni Erich Gonzales dahil sa umano’y paghihiwalay nila ng kanyang negosyanteng nobyo.

In recent past, tila hindi rin kakampi ni Erich ang tadhana dahil sa sunod-sunod na failed relationships niya.

Ang tsismis, ang pamilya mismo ng kanyang mga nakakarelasyon ang hindi boto sa kanya. Kaya ang nakaiintrigang tanong: what’s wrong with Erich?

Kung panlabas na anyo ang pagbabasehan, mukha namang easy to get along with ang aktres. Mukha siyang affectionate sa lalaking minamahal niya.

Ewan pero nahanapan lang namin ng parallelism ang lovelife na mayroon si Erich sa takbo ng buhay pag-ibig ni Kris Aquino, ang sinasabing bagong BFF niya.

Isang bukas na aklat din kasi ang lovelife ni Kris. Sa umpisa lang maayos ang takbo nito only to see it vanish in thin air, na kadalasa’y kay Kris isinisisi ang dahilan ng pagkakasira nito.

Kris being much older than Erich, mukhang hindi uubra ang words of advice ni Kris sa huli kung paanong i-handle ang isang relasyon to make it work. For sure, bilang mag-BFF ay naitsitsika ni Erich—although hindi lahat—ang mga kaganapan sa personal niyang buhay.

Pero kung kami naman sa mga lalaking nakakarelasyon ni Erich, bagama’t dapat ding ikonsidera ang opinyon ng pamilya patungkol sa pakikipagrelasyon, decision-making is best left sa mga taong sangkot dito.

While kailangang irespeto ang payo ng pamilya, sino ba—in the first place—ang makikisama, sila ba?

Tingin namin, misinterpreted lang si Erich sa mata ng pamilya ng mga nakakarelasyon niya. Remember na magkaiba ang mundo nilang dalawa.

HOT, AW!
ni Ronnie Carrasco III