Tuesday , March 19 2024
Kris Aquino Mel Senen Sarmiento
Kris Aquino Mel Senen Sarmiento

‘Karelasyon’ ni Kris inilantad na (I deserved someone na handa akong ipaglaban)

FACT SHEET
ni Reggee Bonoan

LUMUTANG na ang ang mystery guy na binati ni Kris Aquino ng happy birthday at inaming special sa kanya ang taong ito dahil noon pa ay nasa tabi na niya ito sa lahat ng oras. Ito’y walang iba kundi si dating Department of Interior and Local Government Secretary Mel Senen Sarmiento.

In fairness to Kris, hindi siya ang nagbuko ng pangalan kundi si Mr. Sarmiento mismo dahil sinagot niya ang troll sa mismong post nito sa IG account.

Hindi nagustuhan ng dating kalihim ng DILG ang komento ng umano’y pareho sila ng ahensiyang pinagtatrabahuan na negatibo kaya niya ito sinagot gamit ang cellphone ng Queen of All Media.

Mensahe ni Ginoong Mel, ”@mynameisaxell hiniram ko ‘yung phone ni Kris – ewan ko kung nakatrabaho kita sa DILG sa laki ng department mahirap maalalala ang lahat.

“‘Wag naman masamain kung nag-greet nga sa ‘kin, ba’t naman napunta na sa malas?

“Eh napasaya nga n’ya ko- kung tutuusin napaka-suwerte ko. Kung nagsama nga tayo sa department na minahal ko, kaunting respeto naman sa min ni Kris. – Mel Senen Sarmiento.”

Si Sarmiento ay dating kalihim sa administrasyon ng namayapang si Pangulong Noynoy Aquino.

Pagkatapos ay sinagot na rin ni Kris ang makukulit na netizens kung sino ang mystery guy sa buhay niya ngayon.

”No need to guess, scroll down, he borrowed my phone to reply to this weird troll.

“Maybe now you’ll understand, that at least now there’s someone with the guts to stand up for me… wala akong pinatatamaan, I’m just stating facts… 

“Because for the longest time that was what my friends & followers kept telling me—that I deserved someone na handa akong ipaglaban.

“Maybe I’m just proof – everything happens in God ‘s perfect time, not ours but His. All He asks is that we continue to have faith while we patiently wait.”

Walang binanggit kung magkarelasyon na sina Sarmiento at Kris pero kung ibabase sa mga pahayag ng huli na finally nakahanap siya ng taong kaya siyang ipagtanggol at ipaglaban ay 100% kaming sure na sila na nga.

Wow, finally nagawa ni Kris na itago ang identity ng lalaking nagpapasaya sa kanya ngayon at nataymingan lang na kaarawan nito noong Agosto 11 kaya nabunyag na.

Sa ilang beses naming nakapanayam ang mama nina Josh at Bimb, ni minsan ay hindi namin narinig sa kanya ang pangalan ni Sarmiento. 

Bukod sa mga anak ni Kris na boto kay Sarmiento, boto rin sa kanya ang mga personal nitong kaibigan at isa na nga si Atty. Gideon Pena na nagsabing, ”happy ako pag happy ka.”

Ang kilalang stylist ni Kris na si RB Chanco ay gusto rin ang inspirasyon ni Kris.

“I like him. He has my approval too,” sabi ni RB.

“That’s what matters, the people who truly love me have all met him and you all feel may calming influence siya. And he said you really are a genius, grabe raw ‘yung talent mo,” sagot naman ni Kris.

Say naman ni RB, ”Calming refreshing good and 100% positive vibes s’ya.”

Samantala, pinasalamatan lahat ni Kris ang mga bumati at sumuporta sa bago niyang inspirasyon at care bears siya sa mga nagne-nega sa kanila.

Kailan kaya namin makakatsikahan si G. Mel?

About Reggee Bonoan

Check Also

Marianne Beatriz Bermundo Khristine Kate Almendras Ornopia

Young beauty queens Marianne at Khristine gustong sundan yapak ni Kathryn 

ni ALLAN SANCON  KASABAY ng paglulunsad ng 3rd edition ng Aspire Magazine na ginanap sa Robinson’s Novaliches …

Pia Wurtzbach Khristine Kate Almendras Ornopia

Pia Wurtzbach idolo ni Miss Universe SuperGrand Prix 2023 Khristine Ornopia

MATABILni John Fontanilla MAGANDA, matangkad, at napakahusay sumagot sa mga katanungan ang 12 year old …

Teejay Marquez

Teejay Marquez dream house ipinagagawa na  

MATABILni John Fontanilla SINISIMULAN nang gawin ang dream house ni Teejay Marquez sa Quezon City. Kuwento nito …

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Marianne Beatriz Bermundo Catriona Gray

Catriona Gray inspirasyon ng model/ beauty queen Marianne Beatriz Bermundo

MATABILni John Fontanilla BUKOD sa korononang Little Miss Universe 2021 ay dalawa pang korona ang pinanalunan ni Marianne …

Leave a Reply

Your email address will not be published. Required fields are marked *