HATAW! D'yaryo ng Bayan hatawtabloid.com
SA panayam ng mga friend naming sina Reggee Bonoan at Ms. Maricris Nicasio (Entertainment Ed ng pahayagang ito) sa TV and radio host/ comedian/talent manager na si Ogie Diaz, na parte ng bagong top-rating na teleseryeng “The Blood Sisters” na pinagbibidahan ni Erich Gonzales, ibinuko ni Mama O, ang sikreto ni Erich sa portrayal niya ng tatlong karakter.
Magkakapatid na sina Erika (may Visayan accent), Agatha (Ilocana accent) at Dra. Carrie (Inglesera) ang papel na ginagampanan ng tatlong karakter ni Erich.
Kinausap raw ng Kapamilya actress (Erich) ang scriptwriter sa pinagbibidahang serye at nag-suggest kung ano-ano ang mga palantandaan na gagawin niya para magkaroon ng kanya-kanyang pagkakakilanlan ang tatlong karakter sa The Blood Sisters.
Proud na proud at puring-puri ni Ogie si Erich na bukod daw sa napakahusay umarte ay mahusay rin makisama sa mga katrabaho, including him, na agad silang nagkasundo lalo sa kanilang mga eksena.
Samantala magmula nang umere last February 12 ang TBS, hindi na ito binibitiwan ng mga manonood kaya naman sa latest survey ng Kantar Media ay waging-wagi sila sa rating nilang 23.5% sa national, at sa rural ay 25.6% last February 15.
VONGGANG CHIKA!
ni Peter Ledesma
