Tuesday , March 18 2025
The Significant Other Lovi Poe Tom Rodriguez Erich Gonzales
The Significant Other Lovi Poe Tom Rodriguez Erich Gonzales

Lovi, Tom at Erich, magagaling sa TSO

IISA ang narinig naming komento ng mga nakapanood ng pelikulang The Significant Other mula sa Cineko Productions na distributed ng Star Cinema, idinirehe ni Joel Lamangan, ”ang galing nina Lovi (Poe), Tom (Rodriguez), at Erich (Gonzales). Ang gaganda ng mga dialogo nila.”

Oo nga, naalala namin ang mga pelikula noong araw na gawa ng Viva Films, Regal Films, at Star Cinema at iba pang film outfit na pawang nagmamarka ang mga linya ng mga bida sa pelikula.

Sikat na ramp model si Lovi pero nawala ng ilang taon dahil nag-asawa kay Tom na isang cosmetic at dermatologist surgeon at may isa silang anak na lalaki.

Limang taon silang nanirahan sa Amerika, pero bumalik din at itinuloy dito ni Tom ang pagiging doktor at nagtayo ng sariling clinic.

At dahil mahal ni Lovi (Maxene) ang pagmo-model kaya gusto niyang bumalik na sakto naman dahil nakita siya ng ad agency na pinagtrabahuan niya noon at muli siyang inalok sa isang show.

Probinsiyana naman si Erich (Nicole) at idol niya si Maxene (Lovi) na halos lahat ng pictorial ay ginagaya ng una at nangakong darating ang araw na magiging sikat din siya kaya halos lahat ng beauty contest sa probinsiya nila ay sinasalihan ng dalaga.

Hanggang isang araw ay isa sa hurado ng beauty contest na sinalihan ni Nicole (Erich) ang staff ng ad agency ni Maxene (Lovi) na si Morri (RS Francisco) at binigyan siya ng calling card kaya tuwang-tuwa ang una.

Nagustuhan ng boss ni Morri si Nicole (Erich) at dahil malaki ang birthmark ng huli sa kaliwang leeg ay pinapunta kay Tom para ipatanggal ito hanggang sa nagkagustuhan sila at nagkaroon ng relasyon.

Walang alam si Nicole (Erich) na si Tom ay asawa ni Maxene (Lovi) na kaibigan niya kaya nang magkaalaman ay talagang sampalan to death ang nangyari sa mismong araw ng fashion show nila ni Avel Bacudio na ginampanan naman ni Ricci Chan na markado ang role.

Gustung-gusto namin ang tarayan ng dalawang bidang babae dahil may class pa rin lalo na ang linya ni Morri (RS), ”o, mag-usap kayo ha, huwag ninyong sirain ang mga mukha n’yo dahil nakakontrata pa ‘yan (ad agency).”

Hindi na namin ikukuwento ng buo ang The Significant Other dahil mas magandang panoorin ito at nakakuha ng Graded B sa Cinema Evaluation Board at R-13 naman sa MTRCB.

FACT SHEET
ni Reggee Bonoan

About Reggee Bonoan

Check Also

Delia Razon Carla Abellana

Delia Razon pumanaw sa edad 94; Carla nagdadalamhati 

I-FLEXni Jun Nardo NAGLULUKSA ang Kapuso actress na si Carla Abellana sa pagpanaw ng kanyang lola at …

Mark Herras dinagsa ng trabaho kapalit ng sangkatutak na hater

SHOWBIZ KONEKni Maricris Valdez NAGPAPASALAMAT si Mark Herras sa mga hater dahil dumami ang trabaho niya simula …

Joel Cruz Children

Joel Cruz  abala sa negosyo at anak, lovelife isinantabi 

MATABILni John Fontanilla HINDI priority ng tinaguriang The Lord of  Scents na si Joel Cruz ang magkaroon …

Gladys Reyes Sonyer Reyes

Gladys madamdamin pag-alala sa kaarawan ng namayapang ama

MA at PAni Rommel Placente EMOSYONAL ang naging pag-alala ni Gladys Reyes sa ika-70 kaarawan sana ng …

Ivana Alawi Fyang Smith Kathryn Bernardo Anne Curtis

Fyang Smith gustong makatrabaho sina Kathryn at Anne

MA at PAni Rommel Placente PURING-PURI ni Ivana Alawi ang ugali at personalidad ni Fyang Smith. Nag-enjoy si …

Leave a Reply

Your email address will not be published. Required fields are marked *