HATAW! D'yaryo ng Bayan hatawtabloid.com
WEIRD man para sa marami ang “slur” (read: pang-ookray to the point of pamemersonal) ni Angelica Panganiban na tinatayang patungkol kay John Lloyd Cruz, para sa amin ay isang epektibong paraan ‘yon para mas madaling maka-move on ang aktres.
Wala mang binabanggit na pangalan si Angelica ay may iba pa ba siyang pinasasaringan na ”malapad ang noo”kundi ang dating nobyo?
Pamemersonal na kung pamemersonal—the way most people perceive it to be—ay one step ‘yon ni Angelica para unti-unti nang burahin sa kanyang alaala ang sa kanila ni JLC.
Once ay mayroon kaming nabasang libro, na ang isa sa mga kabanata nito’y tumatalakay sa mga paraan ng paglimot dulot ng isang failed relationship.
Saad sa libro, ang taong gusto nang mag-move on ay hinihikayat na kumuha ng papel at ballpen, at gumawa ng vertical line. ‘Ika nga, dalawang columns ‘yon na ang nasa bandang kaliwa’y naglalaman ng mga positibong katangian ng dating dyowa.
Sa kanang kolum naman ay doon isusulat ang mga negative traits ng dating karelasyon. Kung sa prosesong ‘yon ay mas marami ang bilang ng mga minus points kaysa pluses ng ex-partner, take it from there.
Marahil, ang pamemersonal na ni Angelica ay paraan niya, bilang karagdagan sa iba pang puntos laban kay JLC tulad ng pagtataksil, pagsisinungaling, at eventually, ang pag-iwan sa kanya ng walang kaaabog-abog.
Kaya para sa amin, go, go, go, Angelica!
(RONNIE CARRASCO III)
