Magdyowang director na sina Antoinette at Dan movie producers na rin (Peg sina Perci Intalan at Direk Jun Lana)

BEFORE ay sina Donna Villa at ang mister na si Direk Carlo J. Caparas ang sanib puwersa sa pagpo-produce ng movies sa ilalim ng kanilang Golden Lion Films na nakilala nang husto dahil sa mga ginawang massacare films na majority ay kumita sa takilya.

Pero noong namayapa si Tita Donna ay mukhang pahinga na muna si Direk Carlo lalo’t semplang ‘yung huling movie na ginawa nila.

Now, ang gay couple na sina Direk Jun Lana ang uso ngayon sa dami ng mga pelikulang ginagawa nila sa ilalim ng kanilang sariling movie outfit na The Idea First Company tulad ng kapapalabas pa lang na “Ang Dalawang Mrs. Reyes” na nakipagsosyo sila sa Star Cinema at Quantum Films at si Direk Jun ang director nito at ang “My Fairy Tail Love Story” na pinagbibidahan nina Elmo Magalona at Janella Salvador na showing na sa cinemas nationwide ngayong Feb. 14, eksaktong araw ng mga puso.

Ang Regal Multimedia naman nina Mother Lily at Roselle Monteverde ang co-producer dito ng mag-asawa at si Perci ang siyang nag-direk ng film. Naging mag-partner din noon ang ex-lovers na sina Bela Padilla at Niel Arce.

Ang latest na addition sa dumaraming listahan ng mga baguhang producers ay itong sina Direk Antoinette Jadaone at Direk Dan Villegas. Ang mag-sweetheart ang producer para sa Viva Films ng JaDine movie nina James Reid at Nadine Lustre na “Never Not Love You” na recently lang ay nag-shoot sa London.

We heard, na hindi lang daw ito ang gagawin nina Direk Antoinette at Direk Dan meron pa silang ibang naka-line-up na projects.

VONGGANG CHIKA!
ni Peter Ledesma