BBL prayoridad ng Senado — Migz

TINIYAK ni Senador Juan Miguel Zubiri na prayoridad ng Senado ang pagtalakay sa panukalang Bangsamoro Basic Law (BBL).

Ayon kay Zubiri, itinakda niya sa susunod na linggo ang sunod-sunod na pagdinig upang matalakay ang naturang panukala.

Tinukoy ng senador na gagawin  ang pagdinig sa ilang bahagi ng Marawi, South Cotobato, Basilan at iba pang lugar na bahagi at apektado ng BBL.

Tiniyak niyang matatapos ang second reading at umaasang aabot sa 3rd reading ang naturang panukala bago ang recess ng dalawang kapulungan ng Kongreso.

Siniguro rin ni Zubiri na lahat ng stakeholders o grupo na maapektohan ng naturang panukala ay kanyang pupulungin at hihingiin ang pananaw ukol sa isyu.

Umaasa ang senador na ito ang sagot sa matagal na kapayapaang hinahangad ng ating mga kabababayan sa Mindanao lalo ang mga kapatid nating Muslim.

(NIÑO ACLAN)