HATAW! D'yaryo ng Bayan hatawtabloid.com
MARAMING nagmamahal kay Judy Ann Santos ang nag-alala sa biglaang pagpanaw ni Alfie Lorenzo dahil unang nabalita noon ang pag-alis ng aktres sa poder ng kanyang manager at paglipas ng dalawang linggo o tatlo ay ang balitang pumanaw na ang dating manager dahil sa heart attack.
Agad namang nilinaw ng Bet On Your Baby host na nagkaayos na sila ni Tito Alfie bago ito pumanaw noong madaling araw ng Agosto 1. Inamin nitong mayroon na siyang peace of mind dahil natuldukan ang kanilang tampuhan as in, nagkapagpatawaran na sila bago ang nasabing pangyayari.
Aniya, normal lang na may tampuhan at masaya siya dahil nagkaayos sila bago namaalam ang talent manager. Alam ng lahat na siya ang namahala sa burol ng kanyang ‘ama’ at nang tanungin kung may ibinulong ba ito sa namatay bago ito na-cremate, ”Ibinulong ko, I forgive you, I’m sorry also.”
Matagal na palang napag-usapan ng mag-’ama’ ang tungkol sa final wish ng talent manager. Aniya, ”Very thankful and very grateful ako na at least hanggang sa huli ng kanyang sandali ay naibigay namin kung ano talaga ang gusto niya.”
Dagdag pa nito, mayroon siyang nadiskubre sa rati nitong manager na isa itong artist na ka-batch ng mahusay na pintor na si Malang. ”Sayang doon ako nanghinayang na hindi ko nakita ang kanyang work of art. Nitong nasa bahay na lang siya ay muli siyang nag-paint at hindi alam ng mga tao na rati siyang boksingero, itinanghal na Mr. Luzon. Basically, ‘Jack of all trades si Tito Alfie. Ang alam ng marami ay marami siyang nasaktan pero marami siyang natulungan dahil he has a big heart.”
STARNEWS UPLOAD – Alex Datu
