LT, magbababu na sa Ang Probinsyano

ANO ba talaga ang problema kay Lorna Tolentino sa pagiging Lily sa  FPJ’s Ang Probinsyano?

Noong isang taon ay napabalitang hanggang September lang ang kanyang partisipasyon sa action-serye ni Coco Martin pero inabot ng 2020 ay tuloy pa rin ang pagiging kontrabida niya.

May balitang tsutsugiin na ang karakter niya sa Marso kasi ito na raw ang pagwawakas ng FPJAP pagkatapos manguna ng ilang taon bilang panoorin gabi-gabi. As in, mag-e-end na ang palabas.

Sa panayam kay Lorna, tahasan nitong sinabi na hindi totoo ang balitang magwawakas na ang teleserye ni Coco sa Marso.

Iginiit nitong siya ang mawawala at sa Marso ito magaganap. “I think until May pa ang ‘Probinsyano’ pero I’m not sure kasi tuwing okey naman ‘yung naging istorya at okey naman ‘yung ratings ang hirap nilang palitan,” pahayag nito.

Mag-iisang taon na si Lorna sa darating na Marso 1 sa nasabing panoorin.

STARNEWS UPLOAD
ni Alex Datu