Carla, nag-demand ng pre-nup kay Tom

HINDI itinanggi ni Carla Abellana na nag-demand siya ng pre-nup para sa kanila ni Tom Rodriguez bago sila magpakasal nito.

Praktikal at may personal na kadahilanan ang dalaga para hilingin ito sa kasintahan na hindi naman tinutulan ni Tom.

Halos limang taon nang magkasintahan ang dalawa. Kaya sa edad na 33, handa na si Carla na magpakasal.

Aniya, naniniwala siya na napakahalaga na magkaroon ng prenup agreement ang dalawang magkasintahan na nagbabalak magpakasal.

Isang praktikal na hakbang ito para sa kinabukasan ng mag-asawa at ng kanilang magiging anak.

Inamin ni Carla na nabanggit niya ito kay Tom na kung sakaling dumating ang panahon na sila ay ikakasal na.

“Kumbaga, it’s just one way for a woman as well to protect herself, just in case things don’t work well in the marriage,” anang aktres.

STARNEWS UPLOAD
ni Alex Datu