HATAW! D'yaryo ng Bayan hatawtabloid.com
BINIGYANG-DIIN ni Senador Francis “Chiz” Escudero, hindi maaaring kunin bilang isang state witness agad-agad si pork barrel queen Janet Napoles kaugnay sa isyu ng Disbursement Acceleration Funds (DAF), na imbes mapunta sa mga makabuluhang proyekto ang naturang pondo ay napunta lamang sa bulsa ng ilang mga politiko at kanilang mga kasabwat.
Ayon kay Escudero, isa sa pangunahing dahilan para maaproba-han ang pagiging state witness ni Napoles ay kung makapagtuturo siya ng iba pang mastermind o mas mataas sa kanya upang maisakatuparan ang pandarambong sa kaban ng bayan.
Bukod dito, sinabi ni Escudero, tila nabahiran na ang kredibilidad ni Napoles lalo na’t paiba-iba ang kanyang mga pahayag.
Tinukoy ni Escudero ang naging pahayag ni Napoles sa imbestigas-yon ng Senado na sinabi niyang wala siyang nalalaman, habang iba ang kanyang naging pahayag sa kanyang pagharap sa korte.
Dahil dito, sinabihan ni Escudero ang Department of Justice (DoJ), na pag-aralang mabuti ang balakin nitong kunin bilang state witness si Napoles.
ni NIÑO ACLAN
