Tserman utas sa rapido ng tandem

SAN SIMON, Pampanga – Agad binawian ng buhay ang isang barangay chairman, makaraan pagbabarilin ng dalawang armadong lalaking lulan ng motorsiklo sa Brgy. Concepcion, ng bayang ito, kamakalawa ng umaga .

Base sa ulat ni Chief Inspector Charlmar Gundaya, hepe ng San Simon Police, sa tanggpan ni Senior Supt. Joel Consulta, OIC Pampanga Provincial Police Office director, kinilala ang biktimang si Sonny Simbulan, 54, chairman ng Brgy.  Concepcion, San Simon, Pampanga.

Ayon sa pulisya, habang papalabas ng canteen si Simbulan kasama si Jose Yambao, biglang sumulpot ang mga suspek at pinagbabaril ang biktima.

Masusing iniimbestiga-han ng pulisya ang insidente. (LEONY AREVALO)