Sunday , April 2 2023

2 parak, tanod, 1 pa nagbarilan sa quarry site (Sa Tarlac)

CAMP OLIVAS, Pampanga – Agad namatay ang dalawang pulis, isang barangay tanod at isa pang lalaki sa insidente ng barilan sa quarry site sa Brgy. Sta. Lucia, Capas, Tarlac, kamakalawa ng hapon.

Sa ulat sa tanggapan ni C/Supt. Joel Napoleon Coronel, Acting Police Regional Office 3 director, kinilala ang mga bikti­mang sina SPO2 Jason Garcia, 45; PO3 Vincent Baluyot Lugtu, 40; kapatid niyang si Clint Donald Baluyot Lugtu, 33, at si Renato Mercado.

Nabatid kay Coronel, papunta si SPO2 Garcia sa quarry site sa Sitio Suarez sakay ng dump truck nang parahin ni Donald, barangay tanod na nakatalaga roon.

Sa puntong iyon, bumaba umano si Garcia mula sa truck at kinom­pronta ang tanod habang naroroon ang kapatid ng huli na si Lugtu, naka­talaga sa Regional Intel­ligence Division ng Police Regional Office 3.

Habang nagtatalo ay binaril umano ni Lugtu si Garcia na miyembro ng Mabalacat Police. Nang magpaputok si Garcia ay tinamaan ang istambay na si Mercado.

Samantala, ayon sa ilang saksi, nang makita umano ng isang Bernie Pabalan Hernandez na nakabulagta ang kanyang kaibigang si Gracia ay bumunot ng calibre .45 baril saka pinagbabaril ang magkapatid na Lug­tu saka mabilis na tuma­kas.

Ngunit agad nasakote si Hernandez sa isina­gawang follow-up opera­tion ng mga pulis sa bahay ng isang engineer na si Marvin Mariano sa Brgy. Balutu, Conception Tarlac.

ni LEONY AREVALO

About Leony Arevalo

Check Also

Batakan ng Shabu sa Mabalacat City, sinalakay ng PDEA

Batakan ng Shabu sa Mabalacat City, sinalakay ng PDEA

Nagawang baklasin ng mga ahente ng Philippine Enforcement Agency Region III (PDEA-3) ang isang makeshift …

gun dead

     Brgy. kagawad patay sa pamamaril ng nakamotorsiklong gunman

Patay ang isang opisyal ng barangay matapos pagbabarilin ng nakamotorsiklong salarin sa lansangan ng Brgy. …

shabu

Mahigit PHP 1.5-M halaga ng shabu nakumpiska sa Bataan

Inihayag ni Central Luzon Regional Director PBGeneral Jose S. Hidalgo Jr na ang Bataan police …

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

Leave a Reply

Your email address will not be published. Required fields are marked *