Tuesday , March 19 2024
SAKSI sa imbentaryo sina kagawad Orlando Tolentino ng Barangay Caduang Tete, Jericho Gaviola ng DOJ at ilang taga-media nang masakote ng mga tauhan ni P/Maj. Michael Chavez, hepe ng Macabebe Police, ang 10 hinihinalang mga tulak, kabilang ang mag-asawang sina Jerome Gopez, alyas Labyok, at Roxanne Gopez alyas Kulot, kapwa residente sa Barangay Panipuan, Mexico, Pampanga; Orlando Aquino, Marnell Canlas, Antonio Villegas, Joshua Bondoc, Joseph Richard, Mark Anthony Manalili, Connie Hagoat, at Ada Magdamit, makaraan ang isinagawang buy bust operation sa pangunguna nina P/SMSgt. Marcial Dan-Uya sa magkakahiwalay ng lugar sa bayan ng Macabebe, Pampanga. (Kuha ni LEONY AREVALO)

Karo ng patay gamit sa pagtutulak ng ‘bato’… Mag-asawa, 8 tulak tiklo

ARESTADO ang 10 hini­hinalang tulak ng ilegal na droga, kabilang na ang mag-asawa na ginagamit ang karo ng patay sa pag­de­deliber ng shabu, sa pinatinding Simultaneous Anti-Criminality Law Enforcement Operation (SACLEO) PNP sa ikinasang buy bust operation ng Macabebe Police Anti-Drugs Special Operation Unit, sa magkakahiwalay na lugar sa  bayan ng Macabebe, sa lalawigan ng Pampanga.

Ayon sa ulat ni P/Maj. Michael Chavez, hepe ng Macabebe Police, sa tang­gapan ni P/Col. Jean Fajardo, Pampanga Pro­vincial Police director, matagal na nilang mina­man­manan ang mag-asawang suspek na kini­lalang sina Jerome Gopez, alyas La­byok, 27 anyos; at Roxanne Gopez, alyas Kulot, 26, anyos, kapwa nakatira sa Bgy. Panipuan, sa bayan ng Mexico, sa naturang lalawigan.

Nasamsam ni P/SSgt. Jose Rebino Galwa at P/Cpl. Jeffrey Loyola ang ilang pirasong plastic sachet na naglalaman ng hinihinalang shabu sa loob ng karo na kulay puting Hyundai Starex, may plakang PJI 591.

Kinilala rin ang walong nadakip na tulak na pawang nasa drug watchlist ng pulisya na sina Orlando Aguino, alyas Isi; Marnell Canlas, Antonio Vellegas, Joshua Bondoc, Joseph Richard, Mark Anthony Manalili, Connie Hagoat, at Ada Magdamit, sa ikinasa nilang buy bust operation sa mga lugar na nakabili ng shabu ang nagpanggap na poseur buyer na sina P/SMSgt. Marcial Dan-Uya, P/Cpl. Ericson Maymaya, at P/Cpl. Elmer Dumannop.

Nakatakdang sampahan ng mga awtoridad ng kasong paglabag sa  RA 9165 o The Comprehensive Dangerous Drugs Act ang mga nadakip na suspek.

(LEONY AREVALO)

About Leony Arevalo

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *