Sunday , April 14 2024
WALANG buhay na bumulagta ang target ng search warrant na si barangay kagawad Noel Mamangon y Macapagal (inset), 52 anyos, na sinabing miyembro ng gun for hire ng “Aquino Criminal Group” nang kumasa laban sa mga element ng Apalit Police, PIB, PDEU, SWAT at CIDG, habang ang utol niyang barangay tanod na si Emilio Mamangon ay nadakmang dala ang isang kalibre .38 revolver, isang granada at isang plastic sachet na naglalaman ng hinihinalang shabu, habang papasok, ang  mga tauhan ni Supt. Elmer Decena, hepe ng Apalit Police, sa bahay ng mga suspek, sa Purok 7, Brgy. Sucad, Apalit, Pampanga, kamakalawa nang madaling araw. (Kuha ni LEONY AREVALO)

Kagawad todas, tanod arestado sa boga’t granada (Mag-utol na taga-barangay)

WALANG buhay na bumu­lagta matapos makipag­palitan ng putok sa mga awtoridad ang isang ba­rangay kagawad na sinabing notoryus na tulak ng ilegal na droga at nasa listahan ng high value target (HVT) drug personality nang Hainan ng search warrant ng pulisya, kamakalawa nang madaling araw.

Sa isinumiteng ulat ni Supt. Elmer Decena, hepe ng Apalit Police, sa tang­gapan ni  Chief Supt. Joel Napoleon Coronel, Central Luzon Police Director, kinilala ang napaslang na suspek na si Noel Mamangon y Macapagal, 52 anyos, isang barangay kagawad na sinasabing miyembro ng gun for hire  ng Aquino Criminal Group, at nadakip habang tumatakas ang kapatid na si Emilio Mamangon y Maca­pagal, 38, isang barangay tanod.

Nabatid kay Decena, bitbit nina Chief Insp. Danilo Fernandez, PO2 Marcelino Gamboa, at PO3 Marlon Aga ang isisilbing search warrant na inisyu ni Judge Jesusa Mylene Suba-Isip ng RTC Guagua, Pampanga, kasama ang mga kagawad ng PIB, PDEU, SWAT at CIDT.

Ngunit pagpasok sa bahay ng mga suspek bigla umanong tumalon sa bintana ang kagawad na si Noel upang tumakas saka pina­putukan ang mga pulis gamit ang kalibre .38 revolver, kaya’t gumanti ng putok ang mga pulis na agarang ikina­sawi ng suspek.

Naaresto naman ang kapatid ni Noel na isang kagawad na si Emilio.

Nakompiska sa papata­kas na suspek ang kalibre .38 revolver, isang granada, at isang plastic sachet ng shabu.

About Leony Arevalo

Check Also

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …

arrest posas

Nagtapon ng basura sa bawal na lugar
MISTER TIKLO SA DALANG SHABU

BINITBIT ng pulisya sa selda ang isang lalaki matapos mabisto ang dalang mahigit P29,000 halaga …

Leave a Reply

Your email address will not be published. Required fields are marked *